ශ්රී බුද්ධ වර්ෂ 2570 ක් වූ වෙසක් පුර පසළොස්වක පෝ දා 2026 මැයි 30 සෙනසුරාදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දහම් අසපුව | දායකත්ව මුදල් | ඊ පුවත්පත |
සති යන පාලි භාෂාමය වචනයේ අරුත සිහිය යන්න යි. එහි අරුත වැඩිදුරටත් විස්තර කරන ආචාර්යවරු ‘සරණං සති’, සිහි කිරීම සතිය යැයි කියති. අරමුණක් ඇති සැටියෙන් සිහිපත් කිරීම සති නමින් සැලකෙන බව ඒ අර්ථ විග්රහයන්ගෙන් වැඩිදුරටත් කියවෙයි. සති චෛතසිකය සතිපට්ඨානය, සතින්ද්රිය, සතිබල, සම්මාසති යන තැන්වල ද යෙදේ. බොජ්ඣංග ගැන විස්තර කිරීමේ දී යොදා ඇත්තේ සති සම්බොජ්ඣංග යනුවෙනි. සතිය ආරක්ෂක සෙබළකුට, කලණ මිතුරකුට, භාණ්ඩාගාරිකවරයකුට සමාන කොට විස්තර කර තිබේ. දොරටුපාලයා අනවශ්ය කිසිවකුට ඇතුළු වන්නට ඉඩ නොදෙයි. කල්යාණ මිත්රයා ද තම හිතවතාට පාප මිත්රයන්ගේ ඇසුරට යෑමට ඉඩ නො දෙයි. භාණ්ඩාගාරිකවරයා ද තම වගකීම යටතේ ඇති රන්, මිණි, මුතු ආදී ඉතා වටිනා භාණ්ඩ විනාශ වන්නට ඉඩ නොදී සුරක්ෂිත ව රැක බලා ගනී. පොළොවේ රියන් අටක් යට සිට වූ ඉන්ද්රඛීලයක් නගරයේ දොරටුව ශක්තිමත් කරන්නේ යම් අයුරකින් ද, එමෙන් සතිය අරමුණ ස්ථිර ව පිහිටුව යි. ඇසූ කියූ දෑ සිතේ ස්ථිර ව පිහිටුවයි. එහෙයින් සම්මා සතිය සිත සමඟ පහළවන ශෝභන චෛතසිකයක් කොට සැලකෙයි. සුචරිත ධර්ම සපුරාලීමෙන් හා විදර්ශනා මාර්ගයෙන් නිපදවා ගත යුතු නිර්වාණය අවබෝධ කර ගැනීමට සතිය අගනා උපාය මාර්ගයෙකි.තමන්ගේ කටයුතුවල දී, රැකීරක්ෂාවල දී, ගමන් බිමන්වල දී, කතා බහේ දී සිහියෙන් යුතු ව කළ යුතු ය. එසේ කිරීමෙන් කටයුතු සාර්ථක කර ගත හැකි ය. එහෙත් ඒවා සති සම්බොජ්ඣංගයට අයත් නොවේ. එසේ වනුයේ බොජ්ඣංග නාමයෙන් ගැනෙන්නේ විශේෂ තේරුමකින් නිසා ය. මේ වචනය සන්ධි විසන්ධි වශයෙන් වෙන් කර ගත් විට ‘බෝධි + අංග‘යි සිටී. එයට සං උපසර්ගය යොදා ගත් විට එයින් විශේෂ අර්ථයක් ද ලැබෙයි. මෙහි යෙදී ඇති බෝධි යන්නෙහි තේරුම කුමක්ද?
මැයි 30 සෙනසුරාදා පූ.භා. 12.00න් පුර පසළොස්වක ලබා 31 ඉරිදා අ.භා. 02.17න් ගෙවේ. 30 සෙනසුරාදා සිල්
පසළොස්වක
මැයි 30
අව අටවක
ජුනි 08
අමාවක
ජුනි 14
පුර අටවක
ජුනි 21
© 2000 - 2026 ලංකාවේ සීමාසහිත එක්සත් ප්රවෘත්ති පත්ර සමාගම සියළුම හිමිකම් ඇවිරිණි. අදහස් හා යෝජනා: [email protected]
පසළොස්වක
අව
අටවක
අමාවක
පුර
අටවක
