ශ්‍රී බුද්ධ වර්ෂ 2563 ක් වූ ඉල් පුර පසළොස්වක පෝය දින රාජ්‍ය වර්ෂ 2019 නොවැම්බර් 12 වනදා අඟහරුවාදා

වස්සානය සහ සිවුරේ කථාව

මේ දිනවල භික්ෂූන් වහන්සේ විසින් හැඳ පෙරව ගන්නා සිවුර පිළිබඳ පොදුවේ බොදු ජනතාව අතර වඩාත් කතාබහට ලක්වන කාලයක්. කවුරුත් බලන්නේ පන්සලේ පැවැත්වෙන කඨිණ පින්කමේ දී ඊට සම්බන්ධ වී පින් එක්රැස් කර ගන්නට යි. සිවුර පිළිබඳ බොදු ජනතාව තුළ ඇත්තේ මහත් ගෞරවයක්, අසීමිත භක්තියක්. අරහත් ධජය ලෙසයි මෙය හඳුන්වන්නේ. ඒ නිසා මේ සිවුර හෙවත් චීවරය ගැන අපේ බුදුරජාණන් වහන්සේගේ දෙසුම් ඇසුරෙන් යමක් විමසා දැන ගැනීම වටිනවා කියා සිතනවා. දවසක් බුදුරජාණන් වහන්සේ රජගහනුවර සිට විශාලා නුවරට පා ගමනින් වැඩම කරමින් සිටියා. හදිසියේ මේ ගමන් මාර්ගයෙහි ඈත එපිට කෙළවරෙන් ඉදිරියට පැමිණෙමින් සිටි පිරිසක් උන්වහන්සේගේ නෙත ගැටුණා. මේ අය හොඳට වෙහෙසට පත්වෙලයි මේ ඉදිරියට එන්නේ. තව තවත් ළං වෙන පිරිස දුටු උන්වහන්සේට ඒ වෙහෙසට හේතුව වැටහුණා. එක උරහිසක් මත කුමක් දෝ මහ බරක් දරමින් ඒ උරහිස එක් ඇලයකට පාත් කර ගෙන එන මේ හෙම්බත් වුණු පිරිසක්. තවදුරටත් ළං වෙන කොට උන්වහන්සේට වැටහුණා මේ කවරෙකුත් නොව සිවුරු රැසක් බරින් බරට කරට ගත් තමන්වහන්සේගේ ම ශ්‍රාවක භික්ෂූන් පිරිසක් මෙසේ ඉදිරියට වඩිමින් සිටින බව.

ඉල් පුර පසළොස්වක පෝය

ඉල් පුර පසළොස්වක පෝය නොවැම්බර් 11 වන දා සඳුදා අපර භාග 06.01 ට ලබයි. 12 වන දා අඟහරුවාදා අපර භාග 07.04 දක්වා පෝය පවතී. සිල් සමාදන්වීම නොවැම්බර් 12 වන දා අඟහරුවාදා ය.

මී ළඟ පෝය නොවැම්බර් 19 වන දා අඟහරුවාදා ය.