දළදා පෙරහර
කසවෙඩි පුපුරන
නෙත් සිත් පුබුදන
ගින්දර කැරකෙන
පෙරහර හැඩ එන
උඩරට කඳුකර
දළදා පෙරහර
සිත මන්මත් කර
විදී සැරිසර
අලි ඇතුන් යන
නිළමේවරු යන
කරඬු වඩම්මන
දළදා වඳිමු පින
වම් දළදා වැඳ
කියමු දහම්පද
පෙරහර එන සඳ
පායයි පුන් සඳ
අජිත් වික්රමනන්ද වීරසූරිය
උගුල
බුදුන් පුදා අප
දහම දකින තුරු
සසර නිමා කළ නොහේ
බුදුන් පැවැසූ ලෙද
දහම දකින තුරු
සසර දනව්වේ
උගුලක හිරවී
තෙරපී සිටිනෙමු……!!
බිබිලේ
ධම්මසිරි හිමි
දන්ත ධාතු වන්දනා
සුවාසු දහස් සිරි දම් පද
පහස ලැබූ දිව මන් මුනි
පිදුවා සේ සිහි වේ නිති
සිරි දළදා පෙරහර
සෙංකඩගල පුරයේ
දන්ත ධාතු වන්දනා
සිරි දළදා වන්දනා
රජසිරි මහිම රජ සලකුණ
නිති පුද සැම සත්කාර ලබන
සිරිත විරිත පොරණෙහි සිට
අඩු නොවනා ලෙස පැවතෙන
බොදු මංගල්යය ලොව සුපතල
සියලු සතට සෙත සලසන
අනත්ත බුදු ගුණ මහිමය
මුළු දෙරණත ගැලුවයි
දොහොත් මුදුන් වැඳ නමදිමු
සිරි දළදා මහ පෙරහර
නිවන් සුව පතා
රුදු සසරින් එතෙරට යමු
අප මේ භවයෙම
ආචාර්ය රත්නපාල වික්රමසිංහ