[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

 

පරිසරයට ආදරය කරන්නාට පරිසරය ද ආදරය කරයි

බුද්ධ චරිතය ආරම්භයේ සිට අවසානය තෙක් විමසා බැලීමේ දී අපට හොඳින් පැහැදිලි වන කරුණක් වන්නේ බුද්ධ චරිතයේ සෑම විශේෂ සිදුවීමක් ම සිදු වී ඇත්තේ පරිසරය ආශ්‍රය කොට ගෙන බවයි. රම්‍ය, සුරම්‍ය, සුභ විශේෂිත වූ මාලිගා තුනක් සිදුහත් කුමරාට ගිහි ජීවිතය ගත කිරීමට නිම කොට දී තිබූ බව බෞද්ධ ඉතිහාසය පෙන්වා දෙයි. මහාමායා දේවිය දරු ප්‍රසූතිය සඳහා මව්පිය නිවෙසට යද්දී උයන් සිරි නරඹනු වස් ලුම්බිණි සල් උයනට පිය නැඟී ය. අසිරිමත් සිදුවීමක් වන සිදුහත් උපත සිදු වූයේ මෙම මනරම් උයනේ දී ය. එමෙන්ම , සිදුහත් කුමරු මනරම් සුව සම්පත් ඇති, අතිශය අලංකෘත වූ මාලිගා තිබියදීත් නිරන්තරයෙන් උයන් සිරි විඳීමට උයන්හි කාලය ගත කළේ ද පරිසරය හා ඇති මිහිරියාව විඳ ගැනීමට ය. බෝසත් සිරිත හා නිරන්තරයෙන් පරිසරය බැඳී තිබුණ බව මෙවන් හේතු මත පැහැදිලි වන්නේ ය. සිදුහත් කුමරුගේ උපත මෙන් ම උතුම් සම්බෝධිය අවබෝධ කර ගත්තේ ද පරිසරය හා සමඟ බැඳෙමින් උතුම් වූ ඇසතු බෝ සමිඳුන් සෙවණේ දී ය එසේ උතුම් බුද්ධත්වයට පත් වූ උන් වහන්සේ සත් සතියක් පුරා තමන් වහන්සේට උපකාර වූ බෝ සමිඳුන්ට පූජෝපහාර දැක් වූ බව ද සඳහන් වේ. එමෙන්ම පුරා වසර 35 ක් පුරා ලෝ වැසි සතුන්ට සංසාර ගමන් මඟ කෙළවර කිරීමට දම් දෙසු අප බුදුරජාණන් වහන්සේ පිරිනිවනට වැඩියේ ද පරිසරය හා බැඳි කුසිනාරාවේ මල්ලව රජ දරුවන්ගේ සල් උයනේ දී ය. මෙලෙසින් බුදුන් වහන්සේගේ ජීවන ගමනේ විශේෂිත වූ සියලු අවස්ථාවන් සඳහා පරිසරය සම්බන්ධ වීම තුළින් අපට පැහැදිලි වන්නේ බුදු දහම පරිසරය හා බැඳී ඇති දහමක් බවයි.බුදුන් වහන්සේ අරිය පර්යේෂණ සූත්‍රයේ දී ද උන් වහන්සේ පරිසරයට දැක් වූ සැලකිල්ල පිළිබඳව පැහැදිලි කොට ඇත.


  අධි වප් අමාවක 

    ඔක්තෝබර් 16 සිකුරාදා පූර්වභාග 04.52 න් අමාවක ලබා 17 සෙනසුරාදා පූර්වභාග 01.00 න් ගෙවේ.
සිකුරාදා සිල්

පොහෝ දින දර්ශනය

Full Moonඅමාවක

ඔක්තෝබර් 16

First Quarterපුර අටවක

ඔක්තෝබර් 23

Full Moonපසළොස්වක

ඔක්තෝබර් 30

Second Quarterඅව අටවක

නොවැම්බර් 08


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2020 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: budusarana@lakehouse.lk