[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

වඳිමි පුදනෙමි මහා කරඬුව

වඳිමි පුදනෙමි මහා කරඬුව

පායලා සඳ මහ මලුව මැද කිරණ සඳ දෝ දිය ගලාලා
මාලිගා බිම දොව දොවා නිති සුදුම සුදු පාවඩ එළාලා
නෙළුම් සුදු රතු ඕලු නිල් මානෙල් සමන්මල් විසුරු වාලා
සාදු හඬ දී වඳිති සිරි දළදා සමිඳු දණ බිම ගසාලා

සුළං රැල්ලේ සුවඳ ගල්වා සුදු සඳුන් සුවඳින් පිරීලා
පහන් අග තිර දැල්වෙමින් සිල නටයි තක්කිට තරි කියාලා
වලාකුළු බැම්මේ වැදෙන වැව් රැල්ල දිය සිල් රෙදි පොරෝලා
බවුන් වඩනා උවැසියන් සේ සෙමින් ගමනක නිරත වීලා

සුවඳ පැන් කිරි ආහාර පලතුරු ගිලන්පස ගෙන සාධු කියලා
සැදැහැවත් දන ඇදෙයි සිරි දළදා වැඩ සිටින මාලිගය බලා
සුවාසූ මහ දහම් කඳ ගැලු බුදු හිමිගේ මුවකමල සරලා
දොහොත් මුදුනත තබා නමදියි උතුම් සිරි දළදාව වැඳල

රාජ රාජාධි මැති ඇමතිවරු දනන් තුඩ තුඩ චිරත් කාලෙක
හෙළ දනන් හා බැඳුණු බුදු දම යාවි මහ හැදියාව මේ ලක
ලොවක් පුදදෙන මහ සංස්කෘත සැබියාව වී දිලී ලෝකෙට
ලකෙන් ලෝකෙට පිදිය හැකි වටිනාම දෙය විය දහම් පානෙමි

සරණ විය මේ ලකට සහ ජනයාට බුදුහිමි මෙන් ජීවමාන ව
මහ වනස්පති සේ කුඩා ගස් වැල් ද පිබිදුනි පිපී මල් නව
ලැබු නිදහස සියොත් වනසෙත සොය සොයා ඒ දම් අමා සුව
අපේ හිස මත සිතින් තබමින් වඳිමි පුදනෙමි මහා කරඬුව

  අධි වප් අමාවක 

    ඔක්තෝබර් 16 සිකුරාදා පූර්වභාග 04.52 න් අමාවක ලබා 17 සෙනසුරාදා පූර්වභාග 01.00 න් ගෙවේ.
සිකුරාදා සිල්

පොහෝ දින දර්ශනය

Full Moonඅමාවක

ඔක්තෝබර් 16

First Quarterපුර අටවක

ඔක්තෝබර් 23

Full Moonපසළොස්වක

ඔක්තෝබර් 30

Second Quarterඅව අටවක

නොවැම්බර් 08

 

|   PRINTABLE VIEW |

 


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2020 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: budusarana@lakehouse.lk