[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

ඉන්දීය නියෝජ්‍ය මහ කොමසාරිස් විනෝද් කේ. ජේකබ් මැතිතුමා බුද්ධ ශාසන, ආගමික සහ සංස්කෘතික කටයුතු අමාත්‍යාංශයේ ලේකම් මහාචාර්ය කපිල ගුණවර්ධන මහතා හමු වූ අවස්ථාව.

බුදු දහමේ ප්‍රවර්ධනයට ඉන්දියාවෙන් අමෙරිකානු ඩොලර් මිලියන 15ක්

ශ්‍රී ලංකාවට බුදු දහම ලැබුණේ ඉන්දියාවෙනි. ඉන් පසුව බෞද්ධයන්ගේ මුදුන්මල්කඩ සේ සැලකෙන ශ්‍රී දළදා වහන්සේත්, ශ්‍රී මහා බෝධීන් වහන්සේත් මෙරටට වැඩම කරවූයේ ඉන්දියාවෙනි. ඉන්දු ලංකා සබඳතා තරවීමට හේතුව අතීතයේ සිට ශ්‍රී ලංකාව හා ඉන්දියාව අතර තිබූ මේ බෞද්ධ ආගමික හා සංස්කෘතික සබඳතාවයයි. එහි තවත් පියවරක් ඉදිරියට තැබීමක් ලෙස ඉන්දියාව සහ ශ්‍රී ලංකාව අතර බෞද්ධ සබඳතා ප්‍රවර්ධනය කිරීම සඳහා ඉන්දියාවෙන් ඇමරිකානු ඩොලර් මිලියන 15ක (රුපියල් මිලියන 2800ක් පමණ) ප්‍රදානයක් ලබා දීමට කටයුතු කර තිබේ. මීට වසර කිහිපයකට පෙර බුද්ධගයාවේ සිට ඍජුව ම කටුනායක දක්වා පැමිණීමට ගුවන් සේවා ආරම්භ කිරීමට ද ඉන්දීය රජය විසින් කටයුතු කරන ලදී. ඒ වෙසක් දින ජාතික උත්සවයට මෙරටට පැමිණි ඉන්දීය අගමැතිවරයාගේ පොරොන්දුවක් ඉටු කරමිනි. එමෙන්ම පසුගිය සැප්තැම්බර් මස 26 වැනිදා අන්තර්ජාලය ඔස්සේ පැවති ඉන්දියා - ශ්‍රී ලංකා ද්විපාර්ශ්වික සමුළුවේ දී ඉන්දීය අග්‍රාමාත්‍ය ශ්‍රී නරේන්ද්‍ර මෝදි මැතිතුමා ශ්‍රී ලංකාවේ බෞද්ධ කටයුතු වෙනුවෙන් විශේෂයෙන් ම බුදු දහමේ ප්‍රවර්ධන කටයුතු උදෙසා ඇමරිකන් ඩොලර් මිලියන 15ක් ලබා දීමට පොරොන්දු විය. එම පොරොන්දුව ලබා දී දෙසතියක් ඉක්ම යන්නටත් පෙර එනම් පසුගිය 8 වැනිදා ඉන්දීය නියෝජ්‍ය මහ කොමසාරිස් විනෝද් කේ. ජේකබ් මැතිතුමා බුද්ධ ශාසන, ආගමික සහ සංස්කෘතික කටයුතු අමාත්‍යාංශයේ ලේකම් මහාචාර්ය කපිල ගුණවර්ධන මැතිතුමා හමු විය. ඒ හමුවේ දී අදාළ මුදල් යොදවා සිදු කරන්නට සූදානම් වන කටයුතු පිළිබඳව සාකච්ඡා කෙළේ ය.


  අධි වප් අමාවක 

    ඔක්තෝබර් 16 සිකුරාදා පූර්වභාග 04.52 න් අමාවක ලබා 17 සෙනසුරාදා පූර්වභාග 01.00 න් ගෙවේ.
සිකුරාදා සිල්

පොහෝ දින දර්ශනය

Full Moonඅමාවක

ඔක්තෝබර් 16

First Quarterපුර අටවක

ඔක්තෝබර් 23

Full Moonපසළොස්වක

ඔක්තෝබර් 30

Second Quarterඅව අටවක

නොවැම්බර් 08


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2020 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: budusarana@lakehouse.lk