[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

සදහම් ආලෝකයෙන් හෙළදිව එළිය කළ අනුබුදු මිහිඳු මා හිමි ගුණ කඳ සිහිකරමු

කෙළෙහිගුණ දත් සත්පුරුෂයන් වශයෙන් ගිහිපැවිදි අපි කවුරුත් ලක්දිවට සියලු ශාසනික දායාදයන් ලබාදුන් උත්තම මිහිඳු මහ රහතන් වහන්සේගේ ගුණ සමුදාය සිහිකරමු. සෑම නිවසක ම, ආයතනයක ම බෞද්ධ ධජය ඔසවමු. අනුබුදු මිහිඳු මහ රහතන් වහන්සේ පෙන්වාදුන් සදහම් මඟෙහි ගමන් කරන්නට වඩවඩාත් උත්සාහවත් වෙමු. ගෞතම බුදුරජාණන් වහන්සේගේ අසිරිමත් සදහම් සංදේශය අපගේ මාතෘ භූමියට දායාද කොට වදාළේ, දීපප්පසාදක මිහිඳු මහ රහතන් වහන්සේ විසිනි. පරම පූජනීය කල්‍යාණමිත්‍රයාණෝ වශයෙන් ලක්දිව වැසියන් කෙරෙහි කළ මහා ශාසනික අනුග්‍රහය නිසාවෙන් උන්වහන්සේ අපට ශාස්තෘන් වහන්සේ නමක් වැනි ය. ගෞතම සම්මා සම්බුදු සසුන බබුළුවාලූ ශ්‍රීමත් මොග්ගලීපුත්තතිස්ස මහරහත් මුනිඳුන් තෙවන ධර්ම සංගායනාව සමාප්ත කොට මිහිඳු මහ රහතන් වහන්සේ ප්‍රමුඛ ඉට්ඨිය, උත්තිය, සම්බල, භද්දසාල නම් රහතන් වහන්සේලාට මෙසේ පැවසූහ. “ඔබ වහන්සේලා ඉතා රම්‍ය වූ ලංකාද්වීපයට වැඩමකොට ඉතා සොඳුරු වූ ගෞතම සම්මා සම්බුද්ධ ශාසනය පිහිටුවව්...” යනුවෙනි. සම්බුද්ධ පරිනිර්වාණයෙන් වසර 236ක් ගත වූ පසු පොසොන් පුන් පොහෝ දිනක ලක්වැසියන්ට අමා දහම් වැසි වස්සවනු පිණිස, අනුබුදු මිහිඳු මාහිමියන් වහන්සේ මිහින්තලාවට වැඩම කළ සේක.


  වප් පුර අටවක 

    ඔක්තෝබර් 23 සිකුරාදා පූර්වභාග 06.57 න් පුර අටවක ලබා 24 සෙනසුරාදා පූර්වභාග 06.59න් ගෙවේ.
සිකුරාදා සිල්

පොහෝ දින දර්ශනය

First Quarterපුර අටවක

ඔක්තෝබර් 23

Full Moonපසළොස්වක

ඔක්තෝබර් 30

Second Quarterඅව අටවක

නොවැම්බර් 08

Full Moonඅමාවක

නොවැම්බර් 14


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2020 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: budusarana@lakehouse.lk