ශ්‍රී බුද්ධ වර්ෂ 2562 ක් වූ බක් පුර අටවක පෝය දින රාජ්‍ය වර්ෂ 2019 අප්‍රේල් 12 වනදා සිකුරාදා

මහා විහාරවංශික ස්‍යාමෝපාලි මහා නිකායේ අස්ගිරි මහා විහාර පාර්ශ්වයේ සීනාදී සිව් කෝරළයේ ප්‍රධාන සංඝනායක පදවියට පත් යටගම ශ්‍රී නාගවනාරාමාධිපති රාජකීය පණ්ඩිත, ශාස්ත්‍රපති යටගම ධර්මකීර්ති ශ්‍රී ඉන්දවිමල උදයධම්මාභිධාන නාහිමියන් වෙත අස්ගිරි පාර්ශ්වයේ මහානායක වරකාගොඩ ධම්මසිද්ධි ශ්‍රී පඤ්ඤානන්ද ඤාණරතන මහානාහිමියන් වෙතින් අභිනව නායක පදවිය පිළිබඳ ශ්‍රී සන්නස් පත්‍රය ලබාගත් අවස්ථාව.
ඡායාරූපය – බුද්ධික වික්‍රමසිංහ

බෞද්ධාලෝක වෙසක් කලාපයේ තොරණට කප් සිටුවයි

සමස්ත ලංකා බෞද්ධ මහා සම්මේලනය 18 වන වරටත් සංවිධානය කරන බෞද්ධාලෝක වෙසක් කලාපය මැයි මස 18 වන දින සිට 21 වන දින දක්වා ජනාධිපති කාර්යාලය හා ඒකාබද්ධව පැවැත්වීමට කටයුතු සූදානම් කරමින් පවතී. මෙවර බෞද්ධාලෝක වෙසක් කලාපය වෙනුවෙන් සම්මේලන භූමියේ ඉදි කෙරෙන තොරණට කප් සිටුවීම සමස්ත ලංකා බෞද්ධ මහා සම්මේලනයේ සභාපති ජගත් සුමතිපාල මහතාගේ සුරතින් ඉකුත් දා (27) සිදු කෙරිණි. මෙවර තොරණේ තේමාව වන්නේ කච්චානි ජාතකය යි. තොරණ උස අඩි 60 ක් ද පළලින් අඩි 60ක්ද විදුලි බුබුළු හතළිස් පන් දහසකට අධික ප්‍රමාණයකින්ද සමන්විත ය.

බක් පුර අටවක පෝය

බක් පුර අටවක පෝය අප්‍රේල් 12 වන දා සිකුරාදා අපර භාග 01.23 ට ලබයි. 13 වන දා සෙනසුරාදා පූර්ව භාග 11.41 දක්වා පෝය පවතී. සිල් සමාදන්වීම අප්‍රේල් 12 වන දා සිකුරාදා ය.

මීළඟ පෝය අප්‍රේල් 19 වන දා සිකුරාදා.