භූතාන රජබිසව ඇතුළු රාජකීයයන් ගංගාරාමයේ ආගමික වතාවත්වල

පෞද්ගලික සංචාරයක් සඳහා ශ්‍රී ලංකාවට පැමිණි භූතානයේ සිවු වැනි රජුගේ බිසව වන ආෂි ඩොර්ජි වැන්ග්මෝ වැන්ග්චක් බිසව ඇතුළු රාජකීය පවුලේ දූත කණ්ඩායම කොළඹ හුණුපිටිය ගංගාරාම විහාරස්ථානයට පැමිණ ආගමික වතාවත්වල නිරත වූහ.ගංගාරාම විහාරස්ථානය වෙත ඉකුත්දා (28) පෙරවරුවේ පැමිණි ආෂි ඩොර්ජි වැන්ග්මෝ වැන්ග්චක් බිසව සහ ජිග්මේ ජිග්ටෙන් වැන්ග්චැක් කුමරු ඇතුළු දූත කණ්ඩායම කොළඹ හුණුපිටිය ගංගාරාමාධිපති ගලබොඩ ඤාණීස්සර නාහිමියන් සහ ආචාර්ය කිරින්දේ අස්සජි හිමියන් විසින් පිළිගැනීමෙන් අනතුරුව විහාරස්ථානය වෙත කැඳවාගෙන ගියහ.අනතුරුව භූතාන රජ පවුලට, භූතාන වැසියන්ට සහ ශ්‍රී ලංකාවාසී සැමට ආශිර්වාද කරමින් බෝධි පූජාවක් පවත්වන ලද අතර අනතුරුව ගංගාරාම විහාරස්ථානයේ කෞතුකාගාරය නැරැඹීමට එක්වූහ. 1976 වසරේ අගෝස්තු මාසයේ දී මෙරටට පැමිණි එවකට භූතානයේ ජිග්මෙසින්ගි වැන්චාග් රජු විසින් මුල්ගල තබා ආරම්භ කරන ලද බෝධි බැම්ම විවෘත කරමින් සමරු ඵලකය නිරාවරණය කිරීම ද මෙහි දී සිදුවිණි.

ඉතිරිය»

• ස්වර්ණමාලි සෑරදුන් අභියසදී භික්ෂූන් වහන්සේ පන්සිය නමකගේ සහභාගීත්වයෙන් පංච මහා අධිෂ්ඨාන පූජාවක්

• මිහින්තලා ලේක්හවුස් කප්රුක් පූජාවෙන්..

• කිරිවෙහෙරට දාස් පෙතියා මල් පූජාවක්

• බටුගොඩ ජයසුන්දරාරාමයේ දී පින්කම් මාලාවක් 13 වන දා

• කොළඹ තරුණ බෞද්ධ සංගමයේ ධම්ම, අභිධම්ම සහ පාලි ඩිප්ලෝමා සිංහල මාධ්‍ය පන්ති 2018

• වස්කඩුවේ අරියජෝති තිස්ස නා හිමියන්ගේ ගුණ සමරුවට පින්කම්

• පිහිට පතයි