ශ්‍රී බුද්ධ වර්ෂ 2568 ක් වූ බිනර පුර අටවක පෝදා 2024 සැප්තැම්බර් 11 බදාදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දහම් අසපුව | දායකත්ව මුදල් | ඊ පුවත්පත |
මානය මෙලොව පරලොව හා සසර ගමනට ම දුක් කැඳවන්නක් ලෙස බුදු දහමට අනුව පැහැදිලි වේ. බුදුරජාණන් වහන්සේ ඒ පිළිබඳ විවිධ තැන්වල දී දේශනා කොට ඇත. මිනිසුන් මානයෙන් උදම් වන්නේ ලෝකය හා සත්වයා පිළිබඳ හරි අවබෝධයක් නොමැතිකමිනි. එය හරියාකාර ව අවබෝධ කර ගත් කල්හි මානය මුළුමනින් ම විනාශ වනු ඇත. පුහුදුන් ස්වභාවය මත ම මානය අඩු වැඩි වශයෙන් පවතී. පුහුදුන් සත්වයා යනු කෙලෙස්වලින් බරිත වූවන් ය. එම කෙලෙස්වල එක් අංගයක් ලෙස මානය ද පුහුදුන් ස්වභාවය මත නිරන්තරයෙන් ඉස්මතු වේ. සංයෝජන යනු බැම්ම යන අර්ථය ගෙන දෙන පදයකි. නිවන් දැකීමට නම් බැමි දහයක් බිඳ දැමිය යුතු ය. ඒවා දස සංයෝජන නමින් හැඳින් වේ. ඒවා පිළිවෙළින් ගත් කල්හි මේ අයුරින් දැක්වීමට පුළුවන. සක්කාය දිට්ඨි (ආත්ම දෘෂ්ටිය), විචිකිච්ඡා (සැකය), සීලබ්බත පරාමාස (වැරදි සීලව්‍රත අනුගමනය), කාම රාග (පඤ්චකාම තෘෂ්ණාව), පටිඝ (ද්වේෂය), රූප රාග (රූප රාගය), අරූප රාග (අරූප රාගය), මාන (මැනීම), උද්ධච්ච (උඩඟු බව) හා අවිඡ්ජා (නොදැනීම) වයි.ඉහත පිළිවෙළ අනුව විමසීමේ දී මානය හසුවන්නේ අටවන සංයෝජනය ලෙසයි.එනම් අරහත් වීමේ දී විනාශ වන බැම්මකි. එසේනම් අරහත් තත්ත්වයට පත්වන තුරු ම පවතින මානය ඒ දක්වා ම එහි අනිටු ප්‍රතිඵලත් විඳීමට සිදු වේ. මානය යනු මැනීම නම් එය අවස්ථා තුන් තැනක දී සිදු වනු ඇත. “සෙය්‍යා හමස්මිත්්‍යාදිනා මඤ්ඤතීති මානො” යන අභිධර්මයේ මානය පිළිබඳ විග්‍රහ වී ඇති පාඨයට අනුව එම අවස්ථා තුන නිරූපණය වේ. සෙයිය මාන (උසස් වෙමි’යි මැනීම), සදිස මාන (සමාන වෙමි’යි මැනීම), හීන මාන (පහත් වෙමි’යි මැනීම) යනුවෙන් අනුන් හා තමා සංසන්දනය කරමින් තුන් ආකාරයකින් සිදු වේ. නැවත මේ ත්‍රිවිධ මානය ම “සෙය්යස්ස සෙය්යෝ හමස්මි” (උසස් පුද්ගලයාට වඩා උසස් වෙමි) ආදී වශයෙන් එකිනෙකාට පරස්පර ව මේ මානය ඇති වන බැවින් නව විධ වේ. මෙය අභිධර්මයට අනුව ලෝභ මූලික දිට්ඨි සහගත විප්පයුක්ත සිත්වලට යෙදේ. ඉහතින් සඳහන් කළ ත්‍රිවිධ මානය නවාකාරයකට බෙදෙන අයුරු විමසා බලමු.
සැප්තැම්බර් 10 අඟහරුවාදා අ.භා. 11.10 පුර අටවක ලබා 11 බදාදා අ.භා. 11.44 ගෙවේ. 11 බදාදා සිල්
පුර අටවක
සැප්තැම්බර් 11
පසළොස්වක
සැප්තැම්බර් 17
අව අටවක
සැප්තැම්බර් 24
අමාවක
ඔක්තෝබර් 02
© 2000 - 2024 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම සියළුම හිමිකම් ඇවිරිණි. අදහස් හා යෝජනා: [email protected]
පුර
අටවක
පසළොස්වක
අව
අටවක
අමාවක
