ලොව්තුරු සුවය

සුවඳැති කුසුමක් වී
ඔබ දින චරියාවේ
අකුසල් සිතිවිලි
මනසින් හළමැන
තිර අදිටන් වඩවා

බුදුහිමි ගිය මඟ පියවර තබනා
සදැහැති සව්වකු සේ

පුරුදු කරනු මැනවි
කුසල් හැඟුම් දහරා
නිරතුරු දිවා රැයේ
බැඳුණු සිතින් අල්වාගෙන කිසිවක්
ගෙන යන්නට බැරි වේ

මනසින් රැස් කළ පින්පව් පමණයි
අප පසුපස එන්නේ

කළ පින් සුවඳක් වී
මතුභවයෙත් විහිදේ
පින් සිතිවිලි මතු වී
ලොව්තුරු සුව ගෙන දේ

බුදු හිමි ගිය මඟ පියවර තබනෙමු
සදැහැති සව්වකු සේ

ආචාර්ය
රත්නපාල වික්‍රමසිංහ