ශ්‍රී බුද්ධ වර්ෂ 2566 ක් වූ වෙසක් අමාවක පෝදා 2022 මැයි 29 ඉරිදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |
භාරද්වාජ බමුණා බුදුරජාණන් වහන්සේ හමුවීම
මැයි 29 ඉරිදා අපරභාග 02.59 අමාවක ලබා 30 සඳුදා අපරභාග 05.03 න් ගෙවේ. 29 ඉරිදා සිල්.
අමාවක
මැයි 29
පුර අටවක
ජුනි 07
පසළොස්වක
ජුනි 14
අව අටවක
ජුනි 21
බොරලැස්ගමුව, දිවුල්පිටිය ශ්‍රී බෝධිරාජාරාමය පුරාණ විහාරාධිපති ශාස්ත්‍රපති, ශාසනකීර්ති ශ්‍රී ඕකන්දයායේ බුද්ධසිරි හිමිපාණන් වෙත කෝට්ටේ ශ්‍රී කල්‍යාණි සාමගී‍්‍ර ධර්ම මහා සංඝ සභාවේ රත්මලාන විහාර පාර්ශ්වයේ උප ප්‍රධාන සංඝනායක පදවිය පිළිබඳ වූ සන්නස්පත්‍රය පිරිනැමීම, කෝට්ටේ ශ්‍රී කල්‍යාණි සාමගී‍්‍ර ධර්ම මහා සංඝ සභාවේ අතිපූජ්‍ය මහා නායක ශ්‍රී ජයවර්ධනපුර විශ්ව විද්‍යාලයේ කුලපති ආචාර්ය ඉත්තෑපාන ධම්මාලංකාර මහා නාහිමිපාණන් වහන්සේ ප්‍රධාන සංඝ සභාව විසින් මේ මස 21 වැනිදා ඓතිහාසික කෝට්ටේ රාජමහා විහාර මංගල උපෝසථාගාරයේ දී සිදුකෙරිණ.
ධර්ම දේශනාව:
කායෙන සංවුතා ධීරා - අථො වාචාය සංවුතා - මනසා සංවුතා ධීරා - තෙ වෙ සුපරිසංවුතා, දිනක් ආනන්ද හිමියන් ඇමතූ බුදු පියාණෝ මේ ‘බට’ ‘බට’ යන ශබ්දයක් ඇසෙන්නේ කුමක්දැයි විමසූහ. “ස්වාමීනි සවග මහණුන් දෙ අතින් සැරයටි ගෙන, ලීයෙන් කළ පාවහන් ලා ගෙන, කළු ගල් මත ඇවිදින විට නැගෙන හඬයි ඇසෙන්නේ” යනුවෙන් අනද හිමියෝ පිළිතුරු දුන්හ. මෙහි සවග මහණුන් යැයි දැක්වූයේ පණ්ඩුක, ලෝහිතක, මෙත්තිය, භුම්මජක, අස්සජි, පුනබ්බසුක යන භික්ෂූන් ය. බුද්ධ කාලයෙහි බොහෝ අවස්ථාවල අවිනයවාදීව හැසිරුණු මේ සය නම නිසා විනය පිටකයෙහි දැක්වෙන බොහෝ ශික්ෂා පද පැන වූ බව පෙනේ. අනුන්ට කරදර හිරි හැරවන මෙන්ම, අනුන්ගේ පිළිකුලට ලක් වෙන අන්දමට විවිධ ඉරියව් ගත කළ අය එදා මෙන්ම අද ද සමාජයේ ජීවත් වෙති. මහ මඟ යන විට කෑකෝ ගසමින් ද , වාහනයක යතොත් අනවශ්‍ය ලෙස නලාව හඬවමින් ද අද සමහරු ගමන් කරති. තම නිවසේ ගුවන් විදුලි යන්ත්‍රය නොවේ නම් රූපවාහිනිය අසල ජීවත් වන අයට කරදර වන ලෙස ක්‍රියාත්මක කරන්නෝ ද මේ සමාජයේ වෙති. තම වාසිය පමණක් සලකන තවත් සමහර අය නිලතල ළඟා කර ගැනීම සඳහා විවිධ අකටයුතුකම් කරති. එපමණක් නොව අනුන්ගේ ඉඩකඩම්වලින් සුළු කොටසක් හෝ අයත් කර ගැනීම සඳහා වැට කඩුළු තාප්ප ආදිය ඉදිකරන්නෝ ද බොහෝ වෙති. මෙවැනි දේ දුෂ්චරිත ක්‍රියා වශයෙන් බුදුහු පෙන්වා දුන්හ. සවග මහණුන්ගේ අසංවර ගමන් හි වරද පෙන්වා දුන් බුදුහු නුවණැත්තන් සිත, කය, වචනය යන තිදොරින් ම මනා කොට සංවරව ක්‍රියා කරන බව මතු සඳහන් ගාථාවෙන් පෙන්වා දුන්හ.
ත්‍රිභූවනශේඛර ලෝකස්වාමි තථාගත අප සම්මා සම්බුදුරජාණන් වහන්සේ අපරිමිත මෙත් කරුණාධ්‍යාශයෙන් තුන්ලෝ සත්වගට අපරිමිත සෙත සදා බුදුකිස නිමවා පිරිනිවන් මඤ්චකයෙහි වැඩ සිටිනා කල සක්දෙව් රද අමතා මතුදා බුදුසස්න ලක්දිවැ පිහිටන බවත්, පිරිවර සහිතව ලක්බිම ගොඩබට, මනෝරම්‍ය සිරිලක් දිවයිනේ මතු ලංකේශ්වරයාණන් - විජය නිරිඳාණන් ඇතුළු සේනාව මනාකොට රැකගනුවයි වදාළ සේක. බුද්ධාවවාදය හිස්මුදුනින් වැඳ පිළිගත් සක්දෙව් රදු ලංකාද්වීපය ද විජය කුමරු ඇතුළු සත්සියයක් සේනාවේ රැකවරණය ද උපුල්වන් දෙව්රජුට භාර කළේ ය.ශක්‍ර දේවේන්ද්‍රයාණන්ගේ නියමයෙන් පරිබ්‍රජාක වේෂයෙන් ලක්දිව බට උපුල්වන් දෙව්රදාණෝ රුක්මුලෙක හිඳ තථාගත සම්බුදුරදුන් පිරිනිවීමට සැතපුණු දා සිරිලකට ගොඩබට විජයකුමරු ඇතුළු පිරිස අමතා ‘පින්වත මේ මිනිස් වාසයෙන් තොර ලක්දිවයි. මෙහි තොපට භයක්, භීතියක් නොවන්නේ යැයි පවසා විජයකුමරු ඇතුළු සමූහයාට පැන් කෙණ්ඩියෙන් පිරිත් පැන් ඉස, පිරිත්හුය බැඳ, පෙරළා දෙව්ලෝ වැඩියෝ ය. සුනඛ වේෂයක් මවාගත් යකිනියකගේ මෙහෙයවීමෙන් බල්ලකු ඇතිවිට ගම්බිමක් ද විය යුතු ය යන අදහසින් දර්ශනය වූ බලු රූපය පසුපස විජය කුමරුගේ පිරිස ගමන් ගත්හ. ඔවුහු කපු කටනා තවුසියක් සෙයින් රුක් මුලෙක හුන් කුවේණිය ළඟ නතර වූහ. එදා මේ පිරිස ගොදුරු කර ගන්නට කුවේණි යකිනි සමාගමට නොහැකි වූයේ බලගතු පිරිත් හුයේ ආනුභාවයෙනි. පිරිත් පැන් හි අනුහසිනි.
අතීතයේ බරණැස් නුවර බ්‍රහ්මදත්ත නම් රජ කෙනෙක් රාජ්‍ය කරන කාලයේ අසූ කෝටියක් ධනය හිමි සිටුවරයෙක් ජීවත් වුණා. ඔහුගේ නම ඉල්ලීස. ඔහුගේ පාද සහ දෑත් කොරයි, දෑස් වපරයි. විශාල ධනයක් හිමි සිටුවරයෙක් නිසා රජතුමා රාජ්‍ය සේවයට බඳවාගෙන තිබුණා. රජතුමාගේ සහාය සිටුවරයාටත්, සිටුවරයාගේ සහාය රජතුමාටත් ලැබුණා. සිටුවරයා කවර හේතුවක් නිසාවත් තම ධනය වියදම් කළේ නෑ. ඔහුගේ අවශ්‍යතාවලට හෝ බිරිඳගේ අවශ්‍යතාවලට හෝ, දූ දරුවන්ගේ අවශ්‍යතාවලට හෝ ධනය වියදම් කළේ නෑ. ආහාරපාන කෙරෙහි ආශාවක් උපන්නොත් රජ මාලිගයෙන් හෝ මැති ඇමැතිවරුන්ගෙන් හෝ යහළු සිටුවරුන්ගෙන් හෝ සපුරා ගැනීමට පුරුදු වී සිටියා. ඔහුගේ පියතුමා නිතර දුගී මිනිසුන්ට සහ මහණ බමුණන්ට දන් දුන් සිටුවරයෙක්. මහලු වයසට පත් ව ඔහු මිය ගිය නිසා පියා සතු සමස්ත ධනය ම ඉල්ලීස පුතණුවන්ට උරුම වුණා. එදින සිට අතීතයේ සිට පවත්වාගෙන ආ දන් දීම් සියල්ල නතර කළා. දාන ශාලා ගිනිබත් කළා. දුගී යාචකයින්ට පහර දී එළවා දැම්මා. මහණ බමුණන්ට දන්දීම නතර කළා. තව තවත් ධනය එකතු කිරීමට පමණක් ම වෙහෙසුණා. තමාගේ අවශ්‍යතාවකටවත් ධනය වියදම් කළේ නෑ. දිනක් රාජ්‍ය සේවයට ගොස් නිවසට එන අතරේ දී දුප්පත් මිනිසෙක් මස් අනුභව කරමින් රා බොන දසුනක් දුටුවා. ඔහුටත් එසේ කිරීමට ආශාවක් ඇති වුණත් මෙහෙම කල්පනා කළා.
බොදු සිත් පහන් කළ වෙසක් පහන් කූඩු
උපසම්පදා ලබති
කොසොල් රජු දුටු සිහින දහසය
සිරි සදහම් පැන විසඳුම්
පැන විසඳුම්
ඉතිරිය»
උත්තර මාතා ප්‍රේත වස්තුව: පින පිළිකෙව් කළ මවකගේ කතාව
පව් කළොත් දුක් විපාක විඳින්න ම වෙනවා
සිල්වත්කම අනුව අනුසස් ලැබෙන දානයේ විපුල පල
භයානක විපත් දෙන පාපී සිතිවිලි
Lesson for mindfulness - part 27: Metta as a tool to remove anger, jealousy and hatred
ජීවිත රැකවරණයට මහ බෝ වන්දනාව
පුණ්‍යවන්ත දිවි ගමනේ හැත්තෑඅට වැනි විය සපුරන මල්වතු මහා නායක ස්වාමීන්ද්‍රයන් වහන්සේ
පූජාච පූජනීයානං
උදාර දිවියක පිය සටහන්: ශ්‍රී රෝහණ පාර්ශ්වයේ අභිනව ශ්‍රීමත් මහා නායක මාහිමිපාණන් වහන්සේ
සදහම් අරණ
දුටුගැමුණු මහ රජතුමා 65 කොටස: දේශ විමුක්ති සටනට සියල්ල සූදානම්
හදවත
සියඹලාණ්ඩුව ඓතිහාසික මානාභරණ රාජමහා විහාරය
© 2000 - 2022 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම සියළුම හිමිකම් ඇවිරිණි. අදහස් හා යෝජනා: [email protected]
අමාවක
පුර
අටවක
පසළොස්වක
අව
අටවක
