අධිෂ්ඨාන පූජාවක් 11 වන දා
ලක්ෂ ගණනින් රහතුන් වහන්සේලා මේ මිහිමත පහළ වේවා. යන ප්‍රාර්ථනාව මත පැවැත්වෙන
අසදෘෂ්‍ය මහා අධිෂ්ඨාන බල පූජෝත්සවය අනුරාධපුර ඓතිහාසික රත්නමාලි මහ සෑ රදුන්
අභියසදී මෙම මස 11 වන දින පැවැත්වේ. ස්‍යාමෝපාලි මහානිකායේ මල්වතු පාර්ශ්වයේ උතුරු
මධ්‍ය දිසාවේ ප්‍රධාන සංඝ නායක අටමස්ථානාධිපති ආචාර්ය පල්ලේගම සිරිනිවාස නා
හිමියන්ගේ අනුශාසනා පරිදි නුවර කලාවියේ ප්‍රධාන සංඝනායක ස්වර්ණමාලි
චෛත්‍යාරාමාධිපති පල්ලේගම හේමරතන නා හිමියන්ගේ ආශිර්වාදයෙන් කලගෙඩිහේන තිරිවානේගම
නිසල විල පදනම සංවිධානය කරන එම මහා පුණ්‍යෙීත්සවයට ජනාධිපති මෛත්‍රීපාල සිරිසේන
මහතා ද සහභාගිවීමට නියමිත ය.
ඉතිරිය» බෙල්ලන්විල ඇසළ පුණ්‍යෙීත්සවය හා පෙරහර මංගල්‍ය
බෙල්ලන්විල ඇසළ පූණ්‍යෙීත්සවය හා පෙරහර මංගල්‍ය නිමිත්තෙන් බෙල්ලන්විල ශ්‍රී සෝමරතන
නාහිමි ගුණානුස්මරණ ධර්ම දේශනා මාලාව ඉකුත් 26 වන දායින් ඇරැඹුණු අතර ජූලි 29 වනදා
ආරම්භ වූ පිරිත් දේශනයෙහි දොරකඩ අස්න දේශනාව මෙම මස 4 වන දා පැවැත්වේ.
ඉතිරිය»
ධර්ම දේශනාව:
නිර්භය භූමියකට
ළඟා වෙන්නට...
බුදුරජාණන් වහන්සේ, සැවත්නුවර ජේතවනාරාමයේ වැඩ ඉන්නා කාලයේ උන්වහන්සේ දිනපතාම ධර්ම
දේශනා පවත්වනවා. ඒ ප්‍රදේශවාසී ජනතාව ධර්ම ශ්‍රවණය කරන්නට සන්ධ්‍යා කාලයේ
ජේතවනාරාමයට ළඟාවෙනවා. ඇතැම් අය බණ අහලා යනවා. ඒත් අවබෝධයක් ලබා ගන්න උත්සාහ ගන්නේ
නැහැ. සමහර පුද්ගලයන් හොඳට බණ අහලා ඒ ධර්ම මාර්ගය අනුගමනය කිරීමට උත්සාහවත් වෙනවා.
එක්තරා කෙළෙඹි පුත්‍රයෙක්. තරුණයෙක් මේ බණ අහලා කල්පනා කරනවා. මේ කියන දේශනාවන් මට
ගිහි ගෙදර ඉඳගෙන හරියට පිළිපදින්න පුළුවන්කමක් නැහැ. ඒ නිසා මම බුදුරජාණන් වහන්සේ
සමීපයේ පැවිදි වෙන්න ඕනෑ. ඒ තරුණයා මවුපියන්ගෙන් අවසර ලබාගෙන බුදුරජාණන් වහන්සේ
සමීපයෙහි පැවිදි වුණා. බොහොම උත්සාහයෙන් බණ භාවනා කළා. බුදුන් වහන්සේ ළඟ
පැවිදිවෙලා. බුදුරජාණන් වහන්සේගෙන් ධර්මය අහලා. කර්මස්ථාන ලබාගෙන අශුභ කර්මස්ථානය
තමයි මේ හාමුදුරුවෝ නිතර වැඩුවේ. එහෙම වඩන කොට මේ රූපයේ තියෙන අනිත්‍යතාව මේ රූපය
අනිත්‍යයි. දුක්ඛයි. අනාත්මයි. කියලා ඒ විදියට භාවනා කරනවා. හැම දෙයක් ගැනම අශුභ
වශයෙන් බලමින් මේ සංසාර දුක නැති කිරීම සඳහා තමයි මේ ස්වාමීන් වහන්සේ ක්‍රියා කළේ.
නමුත් ඒ තරම් උත්සාහයෙන්, වීර්යයෙන් භාවනා කරගෙන නිතර ම ක්‍රියා කළත් මේ ස්වාමින්
වහන්සේට සෝවාන් ආදි මාර්ගඵලයක් ලබන්නට කලින් ආයුෂ පිරිහීම නිසා අපවත්වීමට සිද්ධ
වුණා.
ඉතිරිය»
ඇසළ පෝදා සිදුවූ ඓතිහාසික අනාවරණය
බුදුවරයෙකු ලොව පහළවන්නේ කුමක් සඳහා ද? කවර ගැටලුවක් විසඳාගැන්මට ලෝකයට මග පෙන්වීම
පිණිසද?, මෙම ප්‍රශ්නයට දිය යුතු පැහැදිලි වූත්, පෙළ දහමට අනුකූල වූත් ධර්මානුකූල
පිළිතුර නම්, “බුදුවරයෙකු උපදිනුයේ සසර දුකත්, දුක්ඛ නිරෝධයත් ප්‍රකාශ කරනු පිණිසය”
යන්නයි. දුක යනු මානව සංහතිය ඉදිරියේ ඇති පෞද්ගලික වූත්, සාමාජික වූත් සියලු ගැටලු
ඉක්මවා සිටින . එකී ගැටලු සියල්ල විසඳාගත්ත ද නොවිසඳී පවත්නා ගැටලුව ය. දේශය කුමක් වුවද, කාලය කුමක් වුවද, ජාතිය කුමක් වුවද සමස්ත සත්ව සංහතියම මහා
දුෂ්කරතාවයකට , මහා අමාරුවකට පත්ව සිටිති. ජාතිය, එනම් නැවත නැවතත් උපත ලැබීම,
ජරාව, එනම් උපන් සත්වයාගේ දිරායාම, මහලුවීම, ව්‍යාධිය, එනම් අනේකාකාරවූ රෝග පීඩාවනට
නැවත නැවතත් ලක්වීම මරණය එනම් ඒ ඒ සත්වයන් උපන් සත්ව නිකාය හැරයාම , දිවි තොරවීම
සියල්ල අත්හැරයාමට සිදුවීම, අපි‍්‍රයයන් හා එක්වීමෙන්, පි‍්‍රයයන්ගෙන් වෙන්වීමෙන්
කැමති දේ නොලැබීමෙන් සැකෙවින් කිවහොත් රූපස්කන්ධාදී වශයෙන් දක්වන ලද උපාදාන කොටගත්
පඤ්චස්කන්ධයෙන් විඳීමට සිදුවී ඇති කටුක , අප්‍රසන්න ,අසහනකාරී , තුච්ඡ ,
අර්ථශූන්‍ය, අතෘප්තිකර අත්දැකීම් අසාර,අපරිපූර්ණ පීඩාජනන අත්දැකීම් දුක්ඛ යන්නෙන්
ප්‍රකාශිතය. බුදුවරු, විද්‍යාවෙන් අන්ධව අඳුරෙහි අතපතගාමින්, තණ්හාවෙන් මුසපත්ව
නිබඳවම අනේකාකාර දැ සොයා යන මානව වර්ගයා තුළ ඉහත කී දුක පිළිබඳ අවදිකමක්, අවබෝධයක්
ඇති කරනු පිණිසම ලොව පහළ වෙති.
ඉතිරිය»
|
අව
අටවක
අමාවක
පුර
අටවක
පසෙලාස්වක
