නැගෙනහිර බොදු උරුමය රකින්න
විශේෂ අරමුදලක් අරඹයි
නැගෙනහිර පළාතේ බොදු උරුමය ආරක්ෂා කිරීමේ අරමුණින් නැගෙනහිර බොදු උරුමය සුරැකීමේ
අරමුදල නමින් විශේෂ අරමුදලක් පිහිටුවූ බව නැගෙනහිර තමන්කඩුව දෙපළාතේ ප්‍රධාන
සංඝනායක ඓතිහාසික සේරුවාවිල මංගල රජමහා විහාරාධිපති ආචාර්ය මුංහේනේ මෙත්තාරම නා
හිමියෝ සඳහන් කරති. සේරුවාවිල සංඝ සභාවේ මූලිකත්වයෙන් ඇරඹි එම අරමුදලෙහි සභාපතිත්වය
දරන්නේ ද මෙත්තාරාම හිමියන් විසිනි.
ඉතිරිය» ගලිගමුවේ ඤාණදීප හිමියන්ගේ
ජන්ම සමරුව දා
ගිලන් භික්ෂු ප්‍රතිකාර
ගොඩනැගිල්ල විවෘත කෙරේ
ගලිගමුවේ ඤාණදීප හිමියන්ගේ 38 වන ජන්ම දිනය මෙම මස 21 වනදාට යෙදීම නිමිත්තෙන් හොරණ
ශීල සුව අරණ ගිලන් භික්ෂු ප්‍රතිකාර කටයුතු උදෙසා නව ගිලන් ප්‍රතිකාර ගොඩනැගිල්ල
විවෘත කිරීම එදින පෙරවරු 8.30 ශ්‍රී ලංකා අමරපුර මහා නිකායේ උත්තරීතර මහානායක
අග්ගමහා පණ්ඩිත කොටුගොඩ ධම්මාවාස මහා නා හිමියන්ගේ සහභාගිත්වයෙන් සිදුකෙරේ.
එදින උදෑසන 10 ට එහිදී ධර්ම දේශනය ගලිගමුවේ ඤාණදීප හිමියන් විසින් පවත්වනු ලබන අතර
11 ට රෝද පුටු පිරිනැමීමේ පින්කම ද, දිළිඳු පවුල් රැසක ට ආහාර පාර්සල් බෙදාදීමේ
පින්කම ද, දවස පුරා ලේ දන්දීමේ පින්කමක් ද පැවැත්වේ.
ඉතිරිය» ධර්ම දේශනාව:
සංවරයට උපකාරී වන සීලය
පුද්ගලයාගේ චර්යාව හෙවත් හැසිරීමේ ආකාරය ප්‍රකාශ වන්නේ කය හා වචනය මගින් ය. එම
කායික හා වාචසිකයේ සංවර බව සීලය ලෙස හැඳින් වේ. අකුසලයෙන් ඈත් වී කුසලයෙහි පිහිටීමට
උපකාරි වන්නේ සීලය යි. ඒ අනුව නිර්වාණගාමී ප්‍රතිපදාවේත්, යහපත් ජීවිතයේත් පදනම
වන්නේ සීලය යි. එබැවින් පුද්ගලයා නිවැරැදි ශික්ෂණයට පත්වන්නේ සීලයෙන් ය. එක් එක්
ආයතනයන්, සංස්ථාවන් නිරවුල්ව පවත්වා ගැනීමට ආයතනික සංග්‍රහය ඉවහල් වේ. එසේ යහපත්
සමාජයක් පවත්වා ගැනීමට ඉවහල් වන්නේ සීලය යි. එය ප්‍රධාන වශයෙන් ගිහි පැවිදි වශයෙන්
වෙන් වෙන්ව හඳුන්වා දී තිබේ. ප්‍රධාන වශයෙන් චතුපාරිශුද්ධි සීලය එනම් ප්‍රාතිමෝක්ෂ
සංවර සීලය, ඉන්ද්‍රිය සංවර සීලය, ආජීව පාරිශුද්ධි සීලය, ප්‍රත්‍ය සන්නිශි‍්‍රත සීලය
වශයෙන් පැවිදි පාර්ශ්වයටත් , නිත්‍ය සීලය හා උපෝසථ සීලය වශයෙන් ගිහි පාර්ශ්වයේ
අභිවෘද්ධියටත් සීලය ලෙස ශික්ෂා පද වෙන වෙන ම හඳුන්වා දී ඇත.
ඉතිරිය»
මාලියද්ද පුරාණ විහාරාධිපති කුඹුක්වැවේ හේමසිරි හිමියෝ
නායක පදවි ලබති
දික්වැල්ල බඹරැන්ද මාලියද්ද
පුරාණ විහාරාධිපති සද්ධර්ම කීර්ති ශ්‍රී විද්‍යාතිලක විශ්‍රාමලත් පාඨශාලාචාර්ය
කුඹුක්වැවේ හේමසිරි නා හිමියන් මහා විහාරවංශික ස්‍යාමෝපාලි මහා නිකායේ මල්වතු මහා විහාර
පාර්ශ්වයේ
හම්බන්තොට මාගම්පත්තුව ඇතුළු ගාලු මාතර දෙපළාතේ ප්‍රධාන අධිකරණ සංඝ නායක පදවිය සහ
ප්‍රවචන ‘කීර්ති ශ්‍රී උපතිස්ස’ ගෞරව නාමයෙන් පිදුම් ලබයි.
ඉතිරිය»
පනාවල සිරි නන්දනාරාමය
ගම්පහ මීරිගම පනාවල ග්‍රාමයේ සිරි නන්දනාරාමය ආරම්භ වූයේ 1932 වසරේ දීය. පොල් අතු
සෙවිලි කළ ආවාස කුටියක් සකස් කර නිට්ටඹුව විද්‍යානන්ද පිරිවෙන් මහා විහාරයෙන්
ස්වාමීන් වහන්සේ නමක් වඩම්මවා ආගමික කටයුතු සිදු කිරීමෙන් ආරම්භය සනිටුහන් විය.
නිට්ටඹුව විද්‍යානන්ද පිරිවෙනාධිපතිව වැඩ විසූ අපවත් වී වදාළ මාතලේ ධම්මසිද්ධි
මහානායක ස්වාමීන් වහන්සේගේ අනුශාසනා පරිදි එච්. පි. සාංචිනෝනා උපාසිකා මාතාව හා
දෙටුපුත් ගම්පති කේ. අතුරුගිරිය මහතා විසින් පූජා කරන ලද අක්කරයක පමණ භූමි භාගයකට
ගෙන ගොස් 1938 වීදිය වත්තේ සුමේධාලංකාර ස්වාමීන්වහන්සේ වැඩම කරවා ප්‍රථම වස් විසීම
සිදුකර ඇත.
අනතුරුව කලවානේ පඤ්ඤාධීර, ලේල්වල මේධානන්ද, පණ්ඩිත සංඝානන්ද, ආචාර්ය වරකාපොල
රතනසාර, පුස්සැල්ලාවේ පඤ්ඤාසේකර, තිබ්බටුගොඩ මුනින්දඝෝෂ යන නායක ස්වාමීන්වහන්සේලා
පිළිවෙලින් වස් වසා ඇත.
ඉතිරිය» |
අමාවක
පුර
අටවක
පසෙලාස්වක
අව
අටවක
