දිවමන් උරුමය

පොසොන් පුන් සඳ කිරණින්
යාල වන මැද අභිමනින්
බැබළෙනා සදහම් තෙදින්
සොඳුරු චිත්තල පබ්බතින්
පැවසෙනා හෙළ පුරාණය
මෙත් සිසිලෙන් සිත් සැනසූ
අපේ දිවමන් උරුමයයි

පිනැති කාවන්තිස් රජුන්
සහස් ගණනින් ලෙන් තැනූ
දොළොස් දහසක් රහත් හිමි
දහම රැකගත් පින් කෙතයි
රුදුරු බැමිණිති සාගතේ
වසර දොළහක් පැවතුණේ

කඳු මුදුන් සහසින් සැදී
පැරැණි නටඹුන් චේතියන්
මලියදෙව් රහතුන් උතුම්
පා සිඹුම් ලැබු පින් කෙතයි
හෙළයෙ මහ හැදියාව වේ
රකිමු පණ මෙන් සැම දිනේ
සිතුල්පව් මහ විහාරය

ආචාර්ය රත්නපාල වික්‍රමසිංහ