ජීවිතයේ යථාර්ථය

සඳ රැජිනිය නැඟී සිසිලස බෙදන සඳ
මද පෙළ තුහින බෙදනා වලා පෙළ මැද
විඳ විඳ සිසිල සිත මැදිමඟ තබන ලද
නිදහස ලබමි දෙසු දහමෙහි සුවය මැද

අද පොහො දිනකි නවසඳ පහළොවකි කලා
වැඳ තෙරුවන් තිලකුණු ගැන පසක් කළා
පුද පිළිවෙත් මඟින් හිමි ගුණ දෙසම බලා
නිදහස ලබමි පිළිවෙත් මඟ ගමන් කළා

ලෝකය අනිත දුක අනත්මය හැමදාම
මේ කය ඇතිවෙනව මැරෙනව නැතිවීම
රෝගය අට අනූවක් වෙනවා මේම
මේකයි ගොයුම් ගොත් දෙසූ පිරිසුදු දහම

මට මම මගෙ කිය කියා රැස්කෙරු හෑම
හෙට වෙන අයට අත්වෙනවා නොවැමේම
අට අනූ රෝගයෙන් මේ කය ලෙඩ වීම
දුටුවොත් සසර බිය මේකයි දෙසු දහම

විමලසේන හෙට්ටිආරච්චි
අස්ගිරිවල්පොළ