ශ්‍රී බුද්ධ වර්ෂ 2561 ක් වූ ඇසළ අව අටවක පොහෝ දින රාජ්‍ය වර්ෂ 2017 ජූලි 16 වනදා ඉරිදා

මහානායක මාහිමිපාණන් වහන්සේලා ප්‍රමුඛ මහා සංඝරත්නය සහ ජනාධිපති මෛත්‍රීපාල සිරිසේන මහතා අතර හමුවක් ඉකුත්දා (6) මහනුවර ජනාධිපති මන්දිරයේදී පැවැති අවස්ථාව. මහා විහාරවංශික ස්‍යාමෝපාලි මහා නිකායේ මල්වතු මහා විහාර පාර්ශ්වයේ මහානායක තිබ්බටුවාවේ ශ්‍රී සිද්ධාර්ථ සුමංගල මහානාහිමි, අස්ගිරි මහා විහාර පාර්ශ්වයේ මහානායක වරකාගොඩ ශී‍්‍ර ඤාණරතන මහා නාහිමි, ශ්‍රී ලංකා රාමඤ්ඤ මහා නිකායේ මහානායක නාපාන පේමසිරි මහා නාහිමියන් ප්‍රමුඛ අනු නා හිමිවරුන් ඇතුළු මහා සංඝරත්නය එම අවස්ථාවට වැඩම කර සිටි අතර, අධිකරණ හා බුද්ධ ශාසන ඇමැති විජයදාස රාජපක්ෂ, මධ්‍යම පළාත් ප්‍රධාන අමාත්‍ය සරත් ඒකනායක යන මහත්වරු ඡායාරූපයේ වෙති.

ශාන්ති පදනම මෙහෙයවන පිච්ච මල් පූජාව 29 වනදා අනුරාධපුරයේදී

ශාන්ති පදනම මෙහෙයවීමෙන් වාර්ෂිකව පවත්වන පිච්චමල් පූජාව ජූලි 29 වනදා පස්වරු 3 ට අනුරාධපුරයේදී පැවැත්වේ. අටමස්ථානාධිපති ආචාර්ය පල්ලේගම සිරිනිවාස නාහිමියන්ගේ සහ රුවන්මැලි චෛත්‍යාරාමාධිකාරි පල්ලේගම හේමරතන නාහිමියන්ගේ අනුශාසනා පරිදි ශාන්ති පදනමේ නිර්මාතෘ කොටපොල අමරකිත්ති හිමියන්ගේ මෙහෙයවීමෙන් එම පින්කම සිදු කෙරේ.

ඉතිරිය»