UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | ඉංග්‍රිසි ලිපි | පෙර කලාප | දායකත්ව මුදල් |

බුදුසරණ අන්තර්ජාල කලාපය

ධම්ම පද සැහැල්ල - 30 කොටස

‘ධම්මපද සැහැල්ල’ පසුගිය පත්‍රයේ පළවූයේ 29 වන කොටසය. එය 28 වන කොටස ලෙස පළවූයේ ප්‍රමාද දෝෂයකිනි.

දණ්ඩ වග්ගය

129 සබ්බේ තසන්ති දණ්ඩස්ස - සබ්බේ භායන්ති මච්චුනෝ
අත්තානං උපමං කත්වා -න හනේය්‍ය න ඝාතයෙ.

දඬුවමට, මරණයට බිය, නොවන කෙනෙකු නැත. තමා වැනියැයි සිතා පර පණ ද සුරකින්න...

හිතවතුනි, අනුන් වෙත කරුණාව දක්වන්න. එවිට ලෝකය ඔබට ආදරය කරනු ඇත.

130 සබ්බේ තසන්ති දණ්ඩස්ස - සබ්බේ සං ජීවිතං පියං
අත්තානං උපමං කත්වා - න හනෙය්‍ය න ඝාතයේ

සියලුලෝ දඬුවමට බිය ය. දිවියට පි‍්‍රය ය. තමා වැනි සේ සිතා පර පණ ද සුරකින්න.

හිතවතුනි, අනුන් වෙත හිතැති වූ තැනැත්තේ නිරතුරුව, අනුන්ගෙන් සැලකිලි ලබන්නේ....ය...

131 සුඛ කාමානි භුතානි - යො දණ්ඩේන විහිංසති
අත්තනෝ සුඛමේ සානො - පෙච්ච සො න ලභතෙ සුඛං

තමන්ගේ සැප පතා, අනුන්ගේ සැප නසන, කිසිවකුට පරලොවින් සැපක් නොලැබෙන්නේ ය.

හිතවතුනි, අන් අයට හිතවත්ව හැසිරෙන්න. එවිට ඔවුනුන් ඔබට හිතවත්ව සිටිනු ඇත.

132 සුඛකාමානි භුතානි - යො දණ්ඩේන න හිංසති
අත්තනො සුඛමේ සානො - පෙච්ච සො ලභතෙ සුඛං

තමන්ගේ සැප පිණිස, පර පණත් නොනස්නා, උතුමන්ට පරලොවත්, සැප ම හිමි වන්නේ... ය...

හිතවතුනි, අනුන්ගේ පණ රකින තැනැත්තා, නිසැක ලෙස තමන්ගේ පණ ද රැක ගන්නේ... ය....

133 මා වො ච ඵරුසං කඤ්චි – වුත්තා පටිවදෙය්‍යු තං
දුක්ඛා හි සාරම්භ කථා - පටිදණ්ඩා ඵුසෙය්‍යු තං

නපුරු බස් කියන්නා, නපුරු බස් ලබනු ඇත. ගැටුම් ඇතිවන වචන, බැහැර කළ යුත්තේ ය.

හිතවතුනි, නිරතුරුව, මෘදු වචන පවසන්න. මුළු ලොවම ඔබ සමඟ, මිතුරු වී සිටිනු ඇත.

134 ස වෙ නෙ රෙසි අත්නානං - කංසො උපහතො යථා
ඵස පත්තෝ සි නිබ්බාණං - සාරම්හෝ තෙ න විජ්ජති

වචන නිසසල වුණො ජීවිතය නිසල වේ. එවිට අරගල කිසිත්, ඇති නොවී නිසල වේ.

හිතවතුනි, වචනයෙන්, බොහෝ අරගල සෑදේ. වචනයේ සංවරය, ඉතාමත් වැදගත් ය.

මතු සම්බන්ධයි

 

වප් පුර අටවක පෝය

වප් පුර අටවක පෝය ඔක්තෝබර් 14 වනදා බ්‍රහස්පතින්දා අපරභාර 02.13 ට ලබයි.
15 වනදා සිකුරාදා අපරභාග 03.51 දක්වා පෝය පවතී.
සිල් සමාදන්වීම ඔක්තෝබර් 14 වනදා බ්‍රහස්පතින්දාය

මීළඟ පෝය
ඔක්තෝබර් 22 වනදා සිකුරාදාය.


පොහෝ දින දර්ශනය

First Quarterපුර අටවක

ඔක්තෝබර් 14

Full Moonපසෙලාස්වක

ඔක්තෝබර්  22

Second Quarterඅව අටවක

ඔක්තෝබර් 30

New Moonඅමාවක

නොවැම්බර් 05

2010 පෝය ලබන ගෙවෙන වේලා සහ සිල් සමාදන් විය යුතු දවස


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | ඉංග්‍රිසි ලිපි | පෙර කලාප | දායකත්ව මුදල් |

© 2000 - 2010 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]