හොරණ රජ මහා විහාරස්ථ දෙමහල් සංඝාවාසය විවෘත කිරීමේ පින්කම් මාලාවක්

පද්මසිරි දසනායක ගෝනපොල සමූහ

හොරණ රජ මහා විහාරස්ථ විද්‍යාරත්න පිරිවෙනේ අභිනව දෙමහල් නව සංඝාවාස ගොඩනැගිල්ල විවෘත කර සග සතු කිරීමේ පුණ්‍ය මහෝත්සවය මෙම මස 23 වනදා සිට 30 වනදා දක්වා හොරණ රජ මහා විහාරස්ථානයේදී පැවැත්වේ. ඒ නිමිත්තෙන් අගෝස්තු 23 දින සිට 30 දින දක්වා සති පිරිත් පින්කමක් ද 29 වනදා දවල් ශතාධික මහ සගරුවන විෂයයෙහි පිරිකර සහිත මහා දානමය පින්කමක් ද 29 වනදා පස්වරු 6.30 සිට දේව දූත පෙරහරක් ද එදිනම (අගෝ 29) රාත්‍රියේදී දොරකඩ අස්න සහිත අනුශාසනාවක්ද පැවැත්වේ.

අභිනව සංඝාවාස ගොඩනැගිල්ල සග සතු කිරීමේ පින්කම් මාලාව, සංඝාවාසය ඉදිකරලීමට ආධාර කළ සියලු දායකකාරකාදීන්ටත්, ජනාධිපතිතුමන්ටත්, අගමැතිතුමන්ටත් ත්‍රිවිධ හමුදාව සහ පොලිසියේ රණවිරුවන්ටත් සියලු ශ්‍රී ලාංකිකයින් හා සියලු ලෝ වැසියන්ටත් ආශිර්වාද කිරීම සඳහා යැයි හොරණ රජ මහා විහාරස්ථ දායක සභාව කියයි.