සවන් යොමනු මැන

සුසුම් පොදක් ලැබ ගන්නට වෙහෙසෙන
මිනිසුන් අතරේ ඔබ සැනසිල්ලේ
සුසුම් හෙළන බව සිහියට ගනු මැන
දුලබ සසර මඟ
යන මිනිසුනේ

ඇසි දිසි දෙය සොඳුරු
සිත් මඟ නොව නිසරු

දෙසවන් නොඇසෙන මිනිසුන් අතරේ
මිහිරි වදන් ඇසුමට පින් ඇති ඔබ
සවන් යොමනු මැන සදහම් ඇසුමට
දුලබ සසර මඟ
යන මිනිසුනේ

ඇසි දිසි දෙය සොඳුරු
සිත් මඟ නොව නිසරු

දෙපා නඟන්නට බැරි අය අතරේ
සුවයෙන් ඔබ පා තබනු ඇතී
දෙනුවන් නොපෙනෙන අසරණයින් ළඟ
සොඳුරු දසුන් ඔබ දකිනු ඇති
දුලබ සසර මඟ
යන මිනිසුනේ

ආචාර්ය
රත්නපාල වික්‍රමසිංහ