ඔවුනට සුදුසු දහමක් දැන් දෙසනු වටී

විමසිලි නෙතින් මිනිසා දෙස බැලුව විට
දැඩි සංවේගයක් උපදී පපුව යට
තණ්හා කුහකගති මානය දියුණු කොට
මිනිසා දරුණු විය ගුණදම් බැහැර කොට

හොර මැරකම අයුක්තිය ඇයි පෙරට පැන
යුක්තිය සාධාරණය කොතැනද කියනු මැන
සංවේගය මගේ හදවත වැළඳ ගෙන
දෙයි වේදනා මිනිසත් ගති හැඳින දැන

සමිඳුනි ඔබේ පාමුල මම දණින් වැටී
පවසමි දනන් පෙළෙනා හැටි ලොබින් බැඳී
ලක්දිව වඩින්නට කාලය පැමිණ ඇතී
ඔවුනට සුදුසු දහමක් දැන් දෙසනු වටී

ඥානසිරි පෙරේරා
නිවන්දව - ජා ඇල