[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

පහන් සිතක කවි

මෙවර ජයග්‍රාහී කවිය

බුදු පියාණෙනි

නෙත රැඳි කලට අපමණ සැනසුමක් ගෙනා
සිත බැඳි දනට අමයුරු සිසිලසක් දෙනා
සත වෙත පතළ කළ කරුණා ගුණය මනා
නැත අන් සරණ තිලොවග හිමි සරණ විනා

****

වෛරසය ඇවිදින්

බුදුන් වැඩ සිටි සමයේ
විශාලා මහනුවර
මහා වසංගත රෝ බියකින්
මිනිසුන් දහස් ගණනක් මැරුණා

අදත් ඒ ලෙසින්
කොරෝනා වෛරසය ඇවිදින්
ලක්ෂ ගණනක් ලොවේ
මිනිසුන් දුකෙන් මිය ඇදෙනවා

සියලු දේ අනියත බව
බුදුන් දෙසූ දහමෙ තිබුණා
රතන සුත්ත දෙසුමෙන්
එදා තුන් බිය මැකුණා

පරිසරයට වින කරන විට
දහස් ගණන් සතුන් මරණ විට
වැඩිහිටියන්ට නොසලකන කොට
බිහිසුණු රෝග ඇති නොවේවි ද මිනිසුන් හට

****

සසර මඟ සැප දුක

වහලට ටකරන් ය, මැටි ගේ අන් අයට
ඉන වට සරල පිළි, දුටු දා සිට ඇඟට
කිව්වට මොකද පුටු දෙක තුනමයි ගෙයට
හැමවිට සිනා හඬ එනමුත් ගෙන් පිටට

එහෙමට නැතත් තැනකදි උතුරන සතුට
සරුවට ඇතත් නොසතුට ඇයි තව අයට
දහමට යටත් මෙය පව පින මුත් අපට
සසරට බැඳෙන විමසිය යුතු දේ සැරට

  ඉල් පුර අටවක 

නොවැම්බර් 21
සෙනසුරාදා අපරභාග 09.48 න් පුර අටවක ලබා 22 ඉරිදා අපරභාර 10.51 න් ගෙවේ.

ඉරිදා සිල්.

පොහෝ දින දර්ශනය

First Quarterපුර අටවක

නොවැම්බර් 22

Full Moonපසළොස්වක

නොවැම්බර් 29

Second Quarterඅව අටවක

දෙසැම්බර් 08

Full Moonඅමාවක

දෙසැම්බර් 14

 

|   PRINTABLE VIEW |

 


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2020 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: budusarana@lakehouse.lk