ශ්‍රී බුද්ධ වර්ෂ 2563 ක් වූ වෙසක් අව අටවක පෝය දින රාජ්‍ය වර්ෂ 2019 මැයි 26 වනදා ඉරිදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |
ධර්ම දේශනාව:
සිංහල මාස ක්‍රමයට අනුව මෙම මාසය හඳුන්වනු ලබන්නේ වෙසක් මාසය යනුවෙනි. වෙසක් මාසය යෙදෙන පුර පොහෝ දිනය වෙසක් පුර පසළොස්වක පොහෝ දිනය වශයෙන් අපි හඳුනාගෙන සිටිමු. “වෙසක්” යන වචනය “වෛශාඛ” යන සංස්කෘත වචනයෙන් බිදී ආවකි. මසින් මස යෙදෙන පුර පොහෝ දිනයන් අතර වෙසක් පුර පොහෝ දිනය ලෝකවාසී සියලු බෞද්ධයන්ගේ ම ශ්‍රද්ධා භක්ති ප්‍රණාමයන්ට හේතු වූ දිනයකි. එසේ වන්නේ ලොව පහළ වූ සියලු බුදුරජාණන් වහන්සේලාගේ ත්‍රිවිධ මංගල්‍යය සිදු වී ඇත්තේ වෙසක් පුර පොහොය දිනයෙහි වීම බව අපේ ධර්ම සාහිත්‍යයෙන් සනාථ කොට ඇත. එසේ නම් සියලු බුදුවරයන් වහන්සේලාගේ ජන්ම දිනය වන්නේ වෙසක් පුර පොහෝ දිනයයි. තථාගත බුදුරජාණන් වහන්සේගේ උත්පත්තියත්, සම්බුද්ධත්වයත්, මහා පරිනිර්වානයත් පහන් සංවේගයෙන් යුතුව ලෝකවාසි බොදු මහා ජනතාව ද ප්‍රතිපත්ති පූජාවෙන් හා ආමිස පූජාවෙන් තථාගතයන් වහන්සේට තම ප්‍රණාමය පළ කරනුයේ මහත් කැප වීමකින් යුතුව ය. තථාගතයන් වහන්සේගේ උපත සිදු වූ වෙසක් පොහොය වසරින් වසර වෙනස් දිනයන්ට යෙදෙන්නේ කුමක් නිසා දැයි ඇතැමුන් ප්‍රශ්න කරන අවස්ථා ද සුලභව ඇත. එම ගැටලුව ඇති වන්නේ වෙසක් මාසයත්, ව්‍යවහාරික මැයි මාසයත් වෙන්කර හඳුනා නොගැනීමෙනි. මැයි මාසය යනු අපරදිග ව්‍යවහාරයකි. වෙසක් දිනය එම මාස ක්‍රමය අනුව වසරින් වසර විවිධ දිනවල යෙදීම සත්‍යයකි. නමුත්, වෙසක් මාසයෙහි එම දිනය යෙදෙන්නේ එකම දිනයක ය. ඒ දිනය වෙසක් පුර පොහෝ දිනයයි.
වෙසක් අව අටවක පෝය මැයි මස 26 වන දා ඉරිදා අපරභාග 08.49 ට ලබයි. 27 වන දා සඳුදා පූර්ව භාග 11.16 දක්වා පෝය පවතී. සිල් සමාදන්වීම මැයි 26 වන දා ඉරිදා ය.
මීළඟ පෝය ජූනි 02 වන දා ඉරිදා
අව අටවක
මැයි 26
අමාවක
ජූනි 02
පුර අටවක
ජූනි 10
පසෙලාස්වක
ජූනි 16
© 2000 - 2019 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම සියළුම හිමිකම් ඇවිරිණි. අදහස් හා යෝජනා: [email protected]
අව
අටවක
අමාවක
පුර
අටවක
පසෙලාස්වක
