මිහින්තලා ලේක්හවුස්
ආලෝක පූජාව
ජුනි 7 වනදා සිට පුරා දින පහක්
සම අනුග්‍රහය ලංකා විදුලිබල මණ්ඩලය
මිහින්තලා ලේක්හවුස් ආලෝක පූජා මහෝත්සවය ජුනි මස 7,8,9,10,11 දිනවලදී මිහින්තලා
රාජමහා විහාරාධිපති හා භාරකාර වළවාහැංගුණවැවේ ධම්මරතන හිමිපාණන් වහන්සේගේ අනුශාසනා
පරිදි පැවැත්වේ.
මිහින්තලා ලේක්හවුස් ආලෝක පූජාව මෙවර පැවැත්වෙනුයේ 55 වතාවටය. එම ආලෝක පූජාවට ලංකා
විදුලිබල මණ්ඩලය සම අනුග්‍රහය දක්වයි.
මිහින්තලා පුදබිමේදී ඉකුත් මස 29 වනදා ආරම්භ කෙරුණු වාර්ෂික සති පිරිත් දේශනාවේ
දොරකඩ අස්න අනුශාසනාව ජුනි මස 4 වනදා පැවැත්වේ.
ඉතිරිය»
කොළඹ තරුණ බෞද්ධ සංගමය
ධම්ම, අභිධම්ම, පාලි (සිංහල) විභාගය – 2017
කොළඹ – 08, ඩී.එස්. සේනානායක මාවතෙහි පිහිටි කොළඹ තරුණ බෞද්ධ සංගමය මඟින් වාර්ෂිකව
පවත්වනු ලබන ධම්ම, අභිධම්ම, පාලි( සිංහල) විභාගය 2017 නොවැම්බර් මස 25 සහ 26 දින
දිනයන්හි පැවැත්වේ. ඒ සඳහා දහම් පාසල්වල හා පිරිවෙන්වල සිසුන් සහ ගුරුවරුන්ට ද, වයස
සීමාවකින් තොරව පෞද්ගලික අයදුම්කරුවන්ට ද ඉදිරිපත් විය හැකි බව කියයි.
ඉතිරිය»
කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී
විසිවන උපාධි ප්‍රදානෝත්සවය සිදුකෙරෙන
ශ්‍රී ලංකා බෞද්ධ හා පාලි විශ්වවිද්‍යාලය
ශ්‍රී ලංකා බෞද්ධ හා පාලි විශ්වවිද්‍යාලයේ 20 වැනි උපාධි ප්‍රදානෝත්සවය විශ්වවිද්‍යාලයේ මහා මහෝපාධ්‍යයයන් වහන්සේ වන සියම්
මහා නිකායේ අස්ගිරි පාර්ශ්වයේ මහානායක අතිපූජ්‍ය වරකාගොඩ ශ්‍රී ඥානරතන මහ
නාහිමිපාණන් වහන්සේගේ ප්‍රධානත්වයෙන් 2017
ජූනි 02 දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී පැවැත්වේ. ප්‍රථම වතාවට උපාධි ප්‍රදානෝත්සවයට
චීනයේ Hangzhou Buddhist Academy යෙහි මණ්ඩපාධිපති
Most Venerable Shi Guangquan
නායක ස්වාමීන් වහන්සේ විසින් උපාධි දේශනය පවත්වනු ලැබේ.
ඉතිරිය»
ධර්ම දේශනාව:
රෝගීන් අතර නිරෝගී වෙමු
“සුසුඛං වත ජීවාම – ආතුරෙසු අනාතුරා
ආතුරෙසු මනුස්සේසු - විහරාම අනාතුරා”
ධම්ම පදය - සුඛ වග්ගය
කෙලෙස් වසඟයට පත් නොවෙමු. කෙලෙස් වෛරස්වලින් රෝගී නොවෙමු. අපිරිසුදු නොවෙමු.
මානසිකව නිරෝගී වෙමු. අපි කෙලෙස් රෝගීන් අතර මනසින් නිරෝගී මිනිසුන් ලෙස
ඒකාන්තයෙන්ම සුවෙන් සැපෙන් ජීවත් වෙමු. බුදුරදුන් මෙම ගාථාව දේශනා කළේ ශාක්‍ය හා කෝලිය වංශිකයන් අතර ඇති වූ ගැටුමක්
සමථකරණය සඳහා ය. මේ දෙපාර්ශ්වයම බුදුරදුන්ගේ ඥාතීහුය. ඔවුහු අක්කර සිය ගණන් කෙත්
වතු වගා කළහ. ඒ සඳහා අවශ්‍ය ජලය ලබා ගත්තේ රෝහිණී නදියෙනි. ජලය ලබා ගැනීමේදී
දෙපිරිස අතර වරින් වර ගැටුම්කාරී අවස්ථා ඇතිවිණ. එම ගැටුම් සුහද ව සමගියෙන් සමථයකට
පත්කර ගැනීමට ඒ කිසිවෙකුත් උනන්දු වූයේ නැත. මේ නිසා එම ගැටුම් දුර දිග යාමෙන් එක්
අවස්ථාවක දෙපිරිස ගඟ දෙපස ඔවුනොවුන්ට එරෙහිව අවි දරමින් ඉතා ප්‍රචණ්ඩකාරී අරගලයකට
සූදානම් වූහ. මෙය සැල වූ බුදුරදුන් එහි වැඩම කර, ගඟ මැද අහසෙහි දිස්ව ඔවුන් ඇමතූහ.
ඉතිරිය» |
පුර
අටවක
පසෙලාස්වක
අව
අටවක
අමාවක
