64 වන කොටස

277) සබ්බේ සංඛාරා අනිච්චාති – යදා පඤ්ඤාය පස්සති
අථ නිබ්බින්දති දුක්ඛෙ – එසමග්ගො විසුද්ධියා

හේතු ඵල අනිස ගැන –අවබෝධ වූ දිනෙක
ඔබ සසර කළ කිරෙයි
නිවන් මාවත එයයි
හිතවතුනි, සංවරව – නුවණ මහෙය වූ විටෙක
සරුසාර දිවි මගක්
ඔබට හෙළිවන්නේය.

278) සබ්බේ සංඛාරා දුක්ඛාති – යදා පඤ්ඤාය පස්සති
අථ නිඛින්දති දුක්ඛේ – ඒස මග්ගො විසුද්ධියා

හේතුඵල දුකක් බව -අවබෝධ වූ දිනෙක ඔබ සසර කල කිරෙයි
නිවන් මාවත එයයි
හිතවතුනි, ටිකෙන් ටික
නුවණ ලියලන විටදී සරුසාර දිවිමගක් ඔබට හෙළිවන්නේය.

279) සබ්බේ ධමමා අනත්තානි – යදා පඤ්ඤාය පස්සති
අථ නිබ්බින්දති දුක්ඛේ – ඒස මග්ගො විසුද්ධියා

හේතු ඵල අනත බව -අවබෝධ වූ දිනෙක ඔබ සසර කලකිරෙයි
නිවන් මාවත එයයි
හිතවතුනි අත්දැකුම්
තුළින් නුවණැස වැඩෙයි. එවිට ඔබගේ දිවිය
ටිකෙන් ටික සඵල වෙයි.

280) උට්ඨානකාලම්හි අනුට්ඨහානො
යුවාබලී ආලසියං උපෙතො
සංසන්න සංකප්පමනො කුසීතො
පඤ්ඤාය මග්ගං අලසෝ න වින්දති

ගතේ වෙර සිතේ වෙර - නොපිරිහෙන තුරාවට
අලස නොව වෙහෙසුණොත් – ගුණ නුවණ දියුණු වෙයි
හිතවතුනි, සෑම විටම අප්පමාදී වුණොත් –
ජීවිතේ සියලු සැප ඔබ වෙතට ගළනු ඇත.

මතු සම්බන්ධයි

බණ්ඩාර මඩුගල්ලේ