49 වන කොටස

217) සීල දස්සන සම්පන්නං - ධම්මට්ඨ සච්චවෙදිනං
අත්තනො කම්ම කුබ්බානං - තං ජනෝ කුරුතෙ පියං

සිල්වත්ව ඇත්ත දත්– දැහැමි බොරු නොපවසන - හොඳ චරිතවත් අයට හැම දෙනා ගරු කරති.
හිතවතුනි, කෙනෙකුගේ අගය පිළිගැනෙන්නේ - වෙනත් කිසිවකින් නොව - චරිතවත් බව තුළිනි.

218) ඡන්දජාතො අනක්ඛාතෙ – මනසා ච ඵුටෝ සියා
කාමේසුච අප්පටිබද්ධචිත්තො – උද්ධං සොතෝති වුච්චති

නිවන කෙරෙහි ම යොමුව - වෙර දරණ පින්වතා – උඩු ගං බලා දිවෙන මහ පිනැති වීරයකි.
හිතවතුනි නැණැත්තෝ නවමු දේ සොයා යති, එවැන්නෝ ලෝකයට නියම මග කියා දෙති.

219 ) චිරප්ප වාසිං පුරිසං - දුරතෝ සොත්ථි මාගතං
ඤාති මිත්තා සුහජ්ජාව -අභිනන්දන්ති ආගතං

පිටරටක සිටි කෙනෙකු මව්බිමට එන විටදි එයාගේ නෑසියෝ සෙනෙහසින් පිළිගනිති. (ඊළඟ ගාථාවට මෙය සම්බන්ධය)

220) තථෙ’ව කත පුඤ්ඤම්පි – අස්මා ලොකා පරං ගතං
පුඤ්ඤානි පතිගණහන්ති –පියං ඤාතිං ච ආගතංති

මෙලොවදී කරන පින පරලොවට යන ඔබට සුව පහසු සැප පුදන නෑසියන් වන්නේය.
‍හිතවතුනි, හොඳ දෙයට – හැම විටම යොමු වන්න
මෙලොව පරලොව දෙකේ දී එයින් සැප ලැබේ.

මතු සම්බන්ධයි

බණ්ඩාර මඩුගල්ලේ