නික්මයෑම

උලලේනිය හැඬු මහ රෑ යාමේ
වන ඇතුගේ පා පහරින් දිවි පිදු
අපෙ අප්පොච්චී සිහිවන විටදී
කඳුළින් තෙත් වේ මගේ කසාවත

පුතේ කසාවත කොයිදැයි කියලා
අහන්න එපා මගෙ පින්බර අම්මේ

තුන් තිස් පැය නිදි වැරුවත් අඳුරේ
අලි වැට බිඳ අලි මිදුලට එනවා
හුළු අතු දල්වා උන් එළවන්නට
වෙර දැරුව ද එය ඵල නැත අම්මේ

බවුන් වඩන්නට බැහැ සිත එකඟව
බුදු හිමි පාමුල තබා කසාවත
නා සමිඳුගෙ පා වැඳ අවසර ගෙන
ගෙදර බුදුන් රැකුමට මා එනවා

ආචාර්ය
රත්නපාල වික්‍රමසිංහ