රණවිරුවන්ට සෙත්පතා පිරිත් දෙසුමක්

උත්තරීතර කාර්යයක් ඉටු කරමින් දිවි හිමියෙන් කැප වී සිටින අපේ වීරෝදාර රණවිරුවන්ට සෙත්පතා රාජ්‍ය ආරක්ෂක අමාත්‍යංශය සංවිධානය කළ පරිත්‍රාණ ධර්ම දේශනයක් කොළඹ බණ්ඩාරනායක සම්මන්ත්‍රණ ශාලාවේදී පසුගියදා පැවැත්විණි. ජනාධිපති මහින්ද රාජපක්ෂ මහතා හා ආරක්ෂක ලේකම් ගෝඨාභය රාජපක්ෂ මහත්වරුන්ගේ ප්‍රධානත්වයෙන් පැවැති එම පිරිත් දේශනාවට තුන් දහසක් පමණ මහ සඟරුවන සහභාගි වූහ. එම අවස්ථාවට ස්‍යාමෝපාලි මහා නිකායේ අස්ගිරි මහා විහාර පාර්ශ්වයේ මහානායක උඩුගම ශ්‍රී ධම්මදස්සී රතනපාල බුද්ධරක්ඛිත මහ නාහිමි ස්‍යාමෝපාලි මහා නිකායේ මල්වතු මහා විහාර පාර්ශ්වයේ අනුනායක නියංගොඩ විජිතසිරි අනුනාහිමි, විද්‍යාලංකාර පරිවේණාධිපති වැලමිටියාවේ කුසලධම්ම නාහිමි ඇතුළු මහ සඟරුවන සහභාගි වූහ.