දුක් සුසුම් ඇයි ?

අද සමාජයේ තමන්ට ආදරය කරන අය හුඟක් අඩුයි. තමන්ට තමන් හතුරුකම් කරන පිරිස දිනෙන් දින වැඩි වෙනවා. තමන්ට කතා කරන්න තිබෙන හැකියාව යොදා ගෙන බොරු කේළාම්, හිස් වචන, පරුෂ වචන කතා කරනවා නම් ඔහු තමන්ට ම සතුරුකම් කර ගෙන. තමන්ගේ සිතින් අධික ද්වේශය පුරුදු කරද්දී තමා තමාට ම සතුරු වෙලා. අන්සතු දේට ලෝභ කරද්දී තමාට ම තමන් සතුරු වෙලා.

මේ සතුරුකම් ජීවිතේ තිබුණොත් යම් දවසක් ඒ හේතුවෙන් අඬන්න වෙනවා. ඒ නිසයි භාග්‍යවතුන් වහන්සේ වදාළේ නැවත හැරී බලද්දී ඇස්වලට කඳුළක් එන්නේ නැති, සිතට දුක් සුසුම් වේදනා එන්නේ නැති, ජීවිතයක් උපදවා ගන්න කියා. තමන් කරපු, කියපු, හිතපු දේ පිළිබඳ පී‍්‍රතිමත් මනසකින් සිතන්නට පුළුවන් නම්, එබඳු ජීවිතය සැපයි. සැනසීමක් ගෙන දෙනවා. එනිසා වෙහෙසකාරී ජීවිතයක් ගත කරන්න එපා. තමන් තමාට ආදරේ නම් කවදාවත් වෙහෙසකාරී පීඩාවක්, පසුතැවීමක් තමන්ගේ ජීවිතයට ගෙන දෙන්නේ නැහැ.

නයනා