චීන බෞද්ධ ජනතාවගෙන් බුත්තලට වියළි ආහාර

චීනයේ ෆාෂියාන් පුණ්‍යභාරය චීන බෞද්ධ සංගමය, චීන බෞද්ධ විහාරස්ථාන, චීන බෞද්ධ ජනතාවගේ පරිත්‍යාගයෙන් ශ්‍රී ලාංකීය ජනතාවට වියළි ආහාර ද්‍රව්‍ය පිරිනැමීමේ වැඩසටහන යටතේ බුත්තල ප්‍රාදේශීය ලේකම් කොට්ඨාසයේ අඩු ආදායම්ලාභී පවුල් 250කට වියළි ආහාර ද්‍රව්‍ය බෙදාදීම ඉකුත් (29) දා බුත්තල යුදඟනාව රාජමහා විහාරයේ දී සිදුකෙරිණි.

මෙම අවස්ථාවට සහභාගී වූ ශ්‍රී ලංකාවේ චීන තානාපති ෂෙන්ග් හොන්ග් මහතා විසින් වියළි ආහාර ද්‍රව්‍ය තොගය ඔක්කම්පිටිය දෙමටමල් විහාරාධිපති මොනරාගල දිස්ත්‍රික්කයේ ප්‍රධාන සංඝනායක ගල්ටැම්වත්තේ පුඤ්ඤානන්ද හිමියන්ට භාරදෙන ලදී.

මෙම අවස්ථාවට ඓතිහාසික බුත්තල යුදඟනාව රාජමහා විහාරාධිපති ඌව වෙල්ලස්ස දෙදිසාවේ ප්‍රධාන සංඝනායක ශාස්ත්‍රපති රාජකීය පණ්ඩිත ගල්ටැම්වත්තේ නන්දරතන නා හිමියෝ ද වැඩමකර සිටියහ.

ඩී.එස් ගුණතිලක
ඌව වෙල්ලස්ස විශේෂ