ශ්‍රී බුද්ධ වර්ෂ 2565 ක් වූ නවම් අව අටවක 2022 පෙබරවාරි 23 බදාදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |
කාල කළමනාකරණය ද, වැඩකටයුතුවල ඉහළ ඵලදායිතාව ද උන්වහන්සේ ලොවට පෙන්වා දුන් සේක. බුදුමඟ වඩින, සරල සුන්දර ගති සොබා දිස්වෙන බුද්ධ පුත්‍රයන් වහන්සේ සැබෑ අල්පේච්ඡතාවේ ජීවමාන ප්‍රතිරූපයයි. අද මෙන් නොව එදා බුදුරදුන් දවස පවර මහ සඟ ගණ ධර්ම චාරිකාවේ යෙදී ගත සතපවා ගැනීමට දිවා කල තුරු සෙවණ යට ද, රාත්‍රියේ දී ගිනිහල්ගෙයි, කුඹල් හලේ ද සැතපුණහ. පවස නිවාගත්තේ ළඟපාත ඇළක දොළක ඇල්දියෙනි. තුන් සිවුරක්, පාත්‍රයක් පමණ සන්තකයේ ‘තබාගත් බුදුසව්වෝ සංසාර සරතැස නිවා අනෙකාට ද එ මඟෙහි ප්‍රතිලාභ දානය කළහ. දවසක් පාසල නිමවී පෙරළා නිවෙස් බලා යන ළමයින් පිරිසක් පලබර අඹ රුකක් දුටුවහ. අඹ කෑමේ මහත් රුචියෙන් යුතු ඔවුහු අඹ රැඳි අත්ත වෙත පොලුපහර එල්ල කරන්නට වූහ. වරක් දෙවරක් පහර එල්ල කළ ද අඹ පල බිම වැටුණේ නැත. ඉන් මන්දෝත්සාහි නොවූ ළමෝ නැවත නැවත අඹ රුකට පොලු පහර එල්ල කළහ. අවසානයේ සැවොම සතුටු සිනා පාමින් මිහිරැති අඹපල භුක්ති වින්දහ. වරක්, දෙවරක් වෙර දැරුව ද අඹ නොවැටුණු විට ඉන් නොනැවතී උත්සාහයෙන් යෙදු වෙර වීරිය නිසාම සැමට අඹ රස විඳීමට හැකිවිය. මෙලෙස කවරකු වුව ද උත්සාහයෙන්, වීර්යයෙන් ක්‍රියා කරයි නම්, එම තැනැත්තාගේ මෙලොව දියුණුව ද, පරලොව අභිවෘද්ධිය ද, ඒකාන්තයෙන් ම සැලසෙයි. ගිහියාගේ ගිහි දිවියේ ලෞකික දියුණුවට ද පැවිද්දාගේ ආධ්‍යාත්මික දිවියේ ආලෝකයට ද උත්සාහය, වීර්යය බලගතු මෙවලමකි. වීර්යය බුද්ධාංකුර ධර්මයකි. සම්බුදු බවට පෙරුම් පුරන මහ බෝසතාණන් වහන්සේ අසංඛ්‍ය කල්ප ලක්ෂ හතරක අති දීර්ඝතර සංසාර චාරිකාවක දී පූර්ණය කළ යුතු පාරමිතා ධර්ම දහයෙන් එක් ධර්මතාවකි වීර්යය.
පෙබරවාරි 23 බදාදා අපරභාග 04.56 අව අටවක ලබා 24 බ්‍රහස්පතින්දා අපරභාග 03.04 ගෙවේ. 23 බදාදා සිල්.
අව අටවක
පෙබරවාරි 23
අමාවක
මාර්තු 02
පුර අටවක
මාර්තු 10
පසළොස්වක
මාර්තු 17
© 2000 - 2022 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම සියළුම හිමිකම් ඇවිරිණි. අදහස් හා යෝජනා: [email protected]
අව
අටවක
අමාවක
පුර
අටවක
පසළොස්වක
