|
 මහඟු සම්පතක්
බොදු සකුතික මැඳුරේ හා
සම්බුදු ජය මැඳුරෙ කොළඹ
ගරුතර කළමණාකාර
කිරම විමලජෝති යතිඳු
බුදුසරණේ පහන් සිතක
කවි වැඩ සටහන පිළිබඳ
එක්ව කෙරෙන සත්කාරය
දහම් පඬුරු තිළිණය වේ
කාලෝචිත වැඩකි ඒක
මහ ඉහළින් අගයන්නෙමි
පහන් සිතක කවි තීරේ
පාඨක අප හැම දෙනාට
මහඟු සම්පතක්
ඇටම්පොල ඤාණිස්සර හිමි
ශ්‍රී චිත්ත විවේකාරාමය
දෙමැද
දැරණියගල
මෙවර ජයග්‍රාහී කවිය
කැලැන්ඩරේ නුඹ
අතේ පයේ සවි අරගෙන යන්නට
ඇහේ කලුව ගෙන සුද තවරන්නට
රැඳුණ කෙහෙ රොද උගුලන්නට
ආයෙත් ආවද උඩ එල්ලෙන්නට
අමාරුවෙන් බිම ඉඳ නැඟිටින කොට
හීන් සැරේ පුටුවට බරවෙන කොට
මොනවද කොඳුරා රහසින් මරු හට
නුඹ හිනැහෙනවා නොවෙදෝ මා හට
චන්ද්‍ර වාකිස්ට
දික්වැල්ල
ඇරයුම
දුරුතු මහේ
දහවලේ
කසාවතින්
අප ගෙදර
බැබළෙන්නේ
සත් නමක්
මහ සඟරුවන
අප නිවසේ
වැඩ ඉන්නේ
සැදැහැ සිතින්
අප දන් පිළිගන්වන්නේ
නව වසර සමරන්නයි
අප හට සෙත් පතන්නයි
සැමටම පින් ලැබ දෙන්නයි
සඟරුවනට දන්
පිළිගන්වන්නේ
සමන්ත මහතන්තිල
රත්නපුර
සිල් සුවඳ
පන්සල් බිම අමදින්නේ
අද පෝ දින සිල් සුවඳයි
සුදෝ සුදු වතින් සැරැසී
බෝ මළුවේ සෙනග ගොඩයි
සිල්වත් සැමගේ සිත් තුළ
නිවුණු හැඟුම් සමුදාය යි
තිසරණ සරණේ පිහිටා
නමදින බුදු හිමි පිහිටයි
චන්ද්‍රකාන්ති ලොකුහෙට්ටි
සැනසිය හැකිද?
දහමට අනුව යොමු කරළා අපගෙ සිත
මොහොතක් බලමු අප කවුදැයි යොමා නෙත
අනගාරික ව සිටියත් ලෝකයා වෙත
මිනිසත්කම නිගරු කළෙනම් පලක් නැත
තණ්හා මද මාන දැන් නෑ මා ගාව
පෝයට සිල් අරන් කර භාවනාව
සිල්වන්තයකු යැයි ලෝකෙට රඟපෑව
සැනසිය හැකිද? තමාට තම සිතගාව
පී. අමල් අජිත් කුමාර
උන්නාරුව
මිනුවන්ගොඩ
පින්සාර
මහ සෑය
දිලි දිලී රන්පාට දිදුලනා මහිම අර
මිණි රශ්මියේ ප්‍රබා විහිදෙනා ගම් භීර
නින්නාද පැතිරෙනා සාධු නාදේ සාර
මහා සෑයේ කොත දිලෙනවා පින් සාර
අමුණුගොඩ කුසුමා ප්‍රේමරත්න
කුරුණෑගල
බුදු ගුණ අනන්තයි
සමිඳේ ,
සමිඳේ
ලොව්තුරු බුදු
සමිඳේ
සියලු කෙලෙස් නැති, ලෝ දුක් දුරු කළ
භගවත් බුදු
සමිඳේ
වඳීමි පා පියුම්
සැමදා බැතියෙන්
උදාර ගුණ ඇති බුදු
සමිඳේ
ආර්. එම් රසිකා සුභාෂිනී
උඩුතුරේ හෙලකඳුරුගමුව
දියතලාව
දුරුතු පොහොය දින
දෙසුමට දහම් සිතු පළමුව මහිමි සඳ
කස්සප සොහොයුරන් දැන පෙර ඇසුර ලද
පෙර පින් බලය දැක දිවසින් එසැම ලද
මගඵල ලබා දුණි සිත් මන් දමා සිඳ
ටී.ඇම්. පොඩිරාලහාමි
වට්ටාරම
ඉඹුල්ගස්දෙනිය
ඒකාලෝක විය
කුල මල ධන බලය කිසිවක් නො සොයද්දී
සම මෙත් කරුණාව සැමටම පතුරද්දී
දම් රසයෙන් සැමගෙ දෙසවන් පිනවද්දී
ඒකාලෝක විය බුදු රැස් විහි දෙද්දී
කුසුමා තිලකරත්න
මලිදුව, බූස්ස
ශ්‍රී ලංකා
ශ්‍රී මුඛ පාඨ ගත් කර සුරකින රටකී
උතුම් ත්‍රිපිටකය ලොව පතළ වූ රටකී
ක්‍රීටය ලෙසින් තුන් ලොව බැබළෙන රටකී
ශ්‍රී ලංකාව නිවනට මග හෙළි කළ රටකී
බදුල්ලේ රඛිත හිමි
ශ්‍රී බෝධිරාජ විහාරය
කතරගම
පාරාවළල්ල
උඩු සුළඟට
ගැසුවොත් හෙම කෙළ පිඬ
ආපසු එනවා
වහාම ඔබ වෙත
ලෝ දම මේකයි
පව්කම් නාකයි
දත යුතු ඒකයි
බුදු බණ ඕකයි
වැලිපත පඤ්ඤානන්ද හිමි
දම්වැල්ඕඩය රජ මහා විහාරය
බළන්ගොඩ
අසිරිමත් දුරුතු පොහොය
එළඹුන නව වසර සීතල දුරුතු මස
ඵල ලද දිනකි අසිරිය බුදු සමිඳු ඇස
පා මියුගුණ ගං තෙරට බැස
බල මහිමයෙන් නිම විය නා යකුගෙ ගොස
රද දෙවි සමන් බුදු දම් දෙසවනට ලදින්
පුද දුන් කේශ ධාතුන් ගෙන සතුටු හදින්
යුදයක් සිහිවටන දුරුතේ සිහිව අදින්
කොඳ මල් පැහැය චේතිය ඉදි වුණා තෙදින්
සිරි පද පහස ලද මියු ගුණ බිම් තැන්න
සුරිඳුගෙ ඇරයුමකි බුදු හිමි කන් දුන්න
ගිරි කුල තැබූ සිරිපද පියවර මැන්න
දිරිගෙන සමන් අඩවිය ගොස් නරඹන්න
කැස්බෑවේ මුණසිංහ නිශ්ශංක
සම්බුදු පණිවුඩ ගෙනෙන පත
බුදු හිමියනගෙ පණිවුඩ සැම ගෙන එන්නේ
පුදුමයි සතර පෝයට ම යි හමු වෙන්නේ
රුදු ගති නොවේ මුදු ගතිමයි ඇති වෙන්නේ
බුදු සරණ පතටයි නිති නම දින්නේ
ජේ. මාලා පද්මිණී
පේරාදෙණිය
සුබ පැතුම්
තෙවලා බුදු වදන් නිරතුරු සිහි වේවා
නිවලා මෝහයේ ඝණදුරු දුරු වේවා
රැකලා සීලයේ අනුසස් වැට හේවා
නොවලා සසර බැමි බිඳ නිවනට යේවා
ජී. ආර්. සීලවංශ බණ්ඩාර
පොල්ගහවෙල
සංස්කරණය
ජම්මික ප්‍රබෝධනී වැලිකල |
පසළොස්වක
අව
අටවක
අමාවක
පුර
අටවක
