බෙල්ලන්විල ඇසළ පුණ්‍යෙීත්සවය හා පෙරහර මංගල්‍යය

බෙල්ලන්විල රජ මහා විහාරයේ 69 වන වරටත් පැවැත්වෙන වාර්ෂික ඇසළ පුණ්‍යෙීත්සවය හා පෙරහර මංගල්‍යය පින්කම් මාලාව ඉකුත් 08 වනදා ආරම්භ වූ අතර එය අගෝස්තු 25 වනදා දක්වා බෙල්ලන්විල රාජ මහා විහාරධිපති ආචාර්ය බෙල්ලන්විල ධම්මරතන නාහිමියන්ගේ අනුශාසනා පරිදි පැවැත්වේ. 11 වනදා ආරම්භ කළ සති පිරිත් දේශනාවේ සුත්‍ර දේශනා මෙම 16 වනදා ද 17 වනදා දොරකඩ අස්න දේවදූත පෙරහර සහ කුඹල් පෙරහර ද පැවැත්වේ. 18 වනදා සිට 21 වනදා දක්වා මල් පෙරහර ද 22 වනදා පාවාඩ පෙරහර ද 23 වනදා රන්සිවිලි පෙරහර ද 24 වනදා රන්දෝලි මහා පෙරහර ද 25 වනදා දියකපන පෙරහර සහ දේවදානය ද පැවැත්වේ. බෙල්ලන්විල ශ්‍රී සෝමරතන නාහිමි සහ මහාචාර්ය බෙල්ලන්විල විමලරතන අනු නා හිමි සමරු මන්දිරය ඉකුත් 04 වනදා විවෘත කෙරුණි.