UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

ධම්මපදයෙන් ජීවිතයට : බවුන් වඩා නිවන් ලබමු

බවුන් වඩා නිවන් ලබමු

යමක වග්ගය

(19 – 20 ගාථා) ඉතිරි කොටස

අප්පම් පි චෙ සහිතං භාසමානො
ධම්මස්ස හොති අනුධම්මචාරී
රාගඤ්ච දොසඤ්ච පහාය මොහං
සම්මප්පජානො සුවිමුත්තචිත්තො
අනුපාදියානො ඉධ වා හුරං වා
ස භාගවා සාමඤ්ඤස්ස හොති

සහිතං- බුද්ධ වචනය, අප්පං - ස්වල්පයක් ද, අපි - වුවත්, භාසමානො - දේශනා කරමින්, චෙ – ඉදින් , ධම්මස්ස - ධර්මයෙහි, අනුධම්මචාරී හොති – ධර්මානුකූලව ජීවත් වෙයි, රාගංච – රාගය ද , දොසංච- ද්වේශය ද, මොහංච - මෝහය ද, පහාය– දුරුකර, සො- හෙතෙම, සම්මප්පජානො- නිවැරැදි ප්‍රඥාව ඇතිව, සුවිමුත්තචිත්තො- දුබල හැඟීම් වලින් මනාව මිදී, ඉධ වා - මෙලොවටවත්, හුරංවා– පරලොවටවත්, අනුපාදියානො – බැඳීමක් නැතිව, සාමඤ්ඤස්ස– ශ්‍රමණ ජීවිතයේ ඵලයට , භාගවා- හිමිකරුවෙක්, හොති- වෙයි

එම ප්‍රශ්නය විදර්ශනා ධූරය පිරූ රහතන් වහන්සේට යොමු කරනු ලැබිණ. උන්වහන්සේ ඊට නිවැරැදි ව පිළිතුරු දුන්හ. සාධු සාධු යි එය අනුමත කළ භාග්‍යවතුන් වහන්සේ අවශේෂ මාර්ග ඵල පිළිබඳ ව ද උන්වහන්සේගෙන් ම විමසූ හ.

ඒ හැමකෙකට නිවැරැදි පිළිතුරු ලැබුණු අතර ඒ තුන් වාරයේ ම ද භාග්‍යවතුන් වහන්සේ සාධුකාර දුන් හ. ඒ ඇසූ දිව්‍ය බ්‍රහ්මාදී හු ද සාධුකාර දුන් හ.

බුදුරදුන් දුන් සාධුකාරයෙන් ග්‍රන්ථ ධූරය පුරන හිමියන්ගේ සිසු හිමිවරු සහ ගිහි දායකයෝ නො පහන් වූ හ. ‘ඇයි බුදුරදුන් මෙසේ කරන්නේ? මහලු භික්ෂුව පිළිතුරු දුන් හතර වතාවේ ම උන්වහන්සේ සාධුකාර දුන්නත්, දහම දිවග ලෙලැවූ අපේ ධර්මධර විනයධර පණ්ඩිත හාමුදුරුවන් පිළිතුරු දුන් විට එසේ කළේ නැහැ. ‘එය අසාධාරණ යි’ ඔවුහු එකිනෙකා කොඳුරන්නට වූ හ.

’මහණෙනි, ඔබ මොනවා ද කියන්නේ’ යි බුදුහු ප්‍රශ්න කළහ. ඔවුහු තම විමතිය උන්වහන්සේට කියා පෑ හ. ‘මහණෙනි, ඔබේ ජනප්‍රිය භික්ෂුව මගේ සසුනේ කුලියට හරක් බලනවා වැනි යි. එහෙත් ම පුතු මහ රහත් නම පස් ගෝ රසය ම තමන් සතු කරගත් ගව හිමියෙකු වගෙයි’ යනුවෙන් ඇති තතු පැහැදිලි කර වදාළහ.

බුද්ධ වචනය දේශනා කරන්නෝ ස්වල්ප වශයෙන් වුව ද ධර්මයට අනුව තම ජීවිතය ගත කරන, රාගය, ද්වේෂය, හා මෝහය දුරුකර කෙලෙසුන් ගෙන් සිත මුදා ගෙන මෙලොවට හෝ පරලොවට නො බැඳී වසන්නේ නම්, හෙතෙම පැවිදි ජීවිතයේ ප්‍රයෝජනය විඳ ගනියි.

 

වප් අමාවක පෝය


වප් අමාවක පෝය නොවැම්බර් 06 වනදා අඟහරුවාදා අපරභාග 10.31 ට ලබයි. 7 වනදා බදාදා අපරභාග 09.37 දක්වා පෝය පවතී. සිල් සමාදන්වීම නොවැම්බර් 07 වනදා බදාදා ය.

 

මීළඟ පෝය නොවැම්බර් 15 වනදා බ්‍රහස්පතින්දා ය.


පොහෝ දින දර්ශනය

Full Moonඅමාවක

නොවැම්බර් 07

First Quarterපුර අටවක

නොවැම්බර් 15

Full Moonපසෙලාස්වක

නොවැම්බර් 22

Second Quarterඅව අටවක

නොවැම්බර් 30


2018 පෝය ලබන ගෙවෙන වේලා සහ සිල් සමාදන් විය යුතු දවස්

 

|   PRINTABLE VIEW |

 


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2018 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: budusarana@lakehouse.lk