බෝ පවුර විවෘත කැරේ

මොරටුව අඟුලාන උඩුමුල්ල ශ්‍රී ආනන්දබෝධි විහාරයෙහි අභිනව බෝධි ප්‍රාකාරය විවෘත කිරීම නිමිතිකොට පින්කම් මාලාවක් පැවැත්වීමට විහාරාධිපති ශාස්ත්‍රපති හේනේගම අමරනන්ද හිමියන් ඇතුළු සංවිධායක කමිටුව කටයුතු යොදා තිබේ.

ඒ අනුව පෙබරවාරි 05 වන දින සවස කොළඹ විශ්වවිද්‍යාලයෙහි ජ්‍යෙෂ්ඨ කථිකාචාර්ය අගලකඩ සිරිසුමන හිමියන් ඇතුළු පැවිදි, ගිහි භවතුන්ගේ සහභාගීත්වයෙන් ප්‍රාකාරය හා ප්‍රතිමා ගෘහය විවෘත කිරීමද රාත්‍රී 9 ට පිරිත් දේශනයද පැවැත්වේ. විහාරාධිපතිව වැඩ විසූ කළුතර ශ්‍රී ඤාණාවාසාභිධාන අනුනාහිමියන්ට පින් පැමිණවීමද පසුදින දවල් සිදුකෙරෙන බව සංවිධායක කමිටුව පවසයි.