71 වන කොටස

22 – නිරය වග්ගය

306. අභූතවාදී නිරයං උපෙති
යොචාපි කත්වා න කරෝමීචාහ
උභොපි තෙ පෙච්ච සමාභවන්ති
නිහීන කම්මා මනුජා පරත්ථ

අහේතුක චෝදනා -අනුන් වෙත යොමු කරන – කිසි විටෙක තමා කළ - වරද පිළිනොගන්නා - තැනැත්තෝ නිරය වෙත යොමු වී සිටින්නෝය. කිසිදාක සැනසුමක් නොලබා සිටින්නෝය.
අහේතුක, චෝදනා නොකරන්න – තමාගෙන් වූ වරද බිය නැතිව පිළිගන්න.

307. කාසාව කණ්ඨා බහවො - පාපධම්මා අසඤ්ඤතා
පාප පාපෙහි කම්මෙහි – නිරයං තෙ උපපජ්ජරෙ

තුන් දොරින් අසංවර – නිරන්තර පව් කරන – දුසිල්වත් මහන කැල – නිරයටම යන්නේය.
සිල් රෙද්ද දරාගත් පමණකින් යම් කෙනෙකු සුගතියට ගමන් නොකරන්නේය.

308. සෙය්‍යා අයෝගුළෝ භුත්තෝ – තත්තො අග්ගි සිඛූපමො
යඤේච භූඤේජය්‍ය දුස්සීලො-රට්ඨපිණ්ඩං අසඤ්ඤතො

සැදැහැවත් දානයෙන් – දුසිල් මහණෝ යැපෙති – ගිනි බෝල ගිල දැමුම – ඊට වැඩියෙන් හොඳය.
ඔබ ඔබට - නොගැලපෙන පරිද්දෙන් – දිවිය ගත නොකළ යුතු - බව සිතා ගත යුතුය.

309. චත්තාරි ඨානානි නරො පමත්තෝ
ආපජ්ජතී පරදාරූ්‍යසේවී
අපුඤ්ඤලාභං න නිකාම සෙය්‍යං
නින්දංතතීයං නිරයං චතුත්ථං

වැරැදි කම් සේවනය – පව් උනන උල්පතකි – එම නිසා අන්තිමට අපායම උරුම වේ.
කම් සුවය සතුට දනවන්නේය. එහෙත් එය වැරැදි ලෙස සේවනය නොකළ යුතු.