බලංගොඩ ආනන්ද මෛත්‍රෙය මහ නාහිමි ගුණ සමරු උළෙල
මෑත භාගයේ ශ්‍රී ලංකාවේ වැඩ සිටි විශිෂ්ටතම මහා යතිවරයෙකු වන අතිපූජ්‍ය
අග්ගමහාපණ්ඩිත , මහාචාර්ය බළන්ගොඩ ආනන්ද මෛත්‍රෙය මහ නාහිමියන් අපවත්
වී මෙම ජූලි මස 18 වන දාට වර්ෂ 12 ක් සම්පූර්ණ වේ.
ඒ නිමිත්තෙන් “ ආධ්‍යාත්මික මිතුරෝ “ සංවිධානය විසින් මෙහෙයවන “බළන්ගොඩ
මහනාහිමි 12 වන ගුණ සමරු උළෙල ‘ජූලි මස 22 වනදා ප.ව. 3.00 ට කොළඹ 7 ,
නිදහස් චතුරශ්‍රයේ , ශ්‍රී ලංකා පදනම් ආයතන ශ්‍රවණාගාරයේ දී පැවැත්වේ.
මහ නාහිමියන්ගේ දිනපොත් විචාරාත්මකව හදාරමින්, විශිෂ්ටයන්ගේ දිනපොත්
පළකිරීමේ ලෝක සම්ප්‍රදාය අනුව යමින් සමුද්‍ර වෙත්තසිංහ විසින් සම්පාදිත
“ ආනන්ද මෛත්‍රෙය මහ නාහිමියන්ගේ දින සටහන් සහ
Unpublished Letters of Ananda Maitreya Maha Nayake Thera කෘති යුගල දොරට වැඩුමද මෙදින
සිදු කෙරේ. ශ්‍රී ජයවර්ධනපුර විශ්වවිද්‍යාලයේ කුලපති මහාචාර්ය
බෙල්ලන්විල විමලරතන අනුනාහිමියන් මුලසුන හොබවන මේ උළෙලෙහි දී කෝට්ටේ
නාගවිහාරාධිපති මාදුළුවාවේ සෝභිත නාහිමියෝ සහ කරගොඩ උයන්ගොඩ
මෛත්‍රීමූර්තී මහ නාහිමියෝ විශේෂ සමරු දෙසුම් පවත්වති. ජ්‍යෙෂ්ඨ
මාධ්‍යවේදී ගාමිණී සුමනසේකර පෙරවදන සපයන අතර, සුනිල් එදිරිසිංහ , දයාන්
විතාරණ, ඩබ්ලිව්.ඩී.ආරියසිංහ , සන්ධ්‍යා බුලත්සිංහල සමරු ගායනාවලින්
එක්වෙති. බළන්ගොඩ මහ නාහිමි සමරු රචනා තරගයේ ත්‍යාග ප්‍රදානය ද එහි දී
සිදුකිරීමට නියමිතය. මහජන බැංකුව හා නුගේගොඩ සරසවි ප්‍රකාශකයෝ මේ උළෙලට
අනුග්‍රාහක දායකත්වය සපයති. |
පුර අටවක
පසෙලාස්වක
අව
අටවක
අමාවක