ධම්මපද සැහැල්ල
2 වන කොටස
බණ්ඩාර මඩුගල්ලේ
පසුගිය පත්‍රය හා සම්බන්ධයි
(Link)
(6) පරේ ච න විජානන්ති මයමෙත්ථ යමාමසෙ,
යෙ ච තත්ථ විජානන්ති තතො සම්මන්ති මෙධගා
කෝලහලයක් කරන - දෙපිරිස ම නිසැකවම - විනාසේ දොරටුවට - පියවර තබන්නෝ ය.
මේ සනාතන ඇත්ත - අවබෝධ වූ විටෙක - සියලු අරගල, අවුල් - සංසිඳී යන්නේ
ය...
හිතවතුනි, අප මෙලොව - ජීවිතය ගෙවන විට- වෛර ඇති වන්නේය. අරගල කෙරෙන්නේ
ය. වෛරයේ අරගලේ සාපයෙන් අපේ ගත - අබල වී දුබල වී රෝග සෑදෙන්නේ ය. දිරිය
පිරිහෙන්නේ ය. සතුට නැති වන්නේ ය. මෙලොව පරලොව දෙකේ - සැප අහිමි වන්නේ
ය...
(7) සුභානුපස්සිං විහරන්තං
ඉන්ද්‍රියේසු අසංවුතං
භෝජනම්භිච අමත්තඤ්ඤුං
කුසීතං හීන වීරියං
තං වෙ පසහති මාරො
වාතො රුක්ඛං ව දුබ්බලං
‘රූපාදී’ අරමුණින් - අනිසි ලෙස ඇවිස්සී - ‘ඇස’ ආදී පසිඳුරන් අනිසි සේ
ඇවිසුනොත්, ආහාර ගැනීමේ, අරුත වටහා නොගෙන - හීන වීරිය ඇතිව - කුසීතව
සිටියොත්/ හේ ඉතා පහසුවෙන් - මරුට බිලි වන්නේ ය. දුබල ගස සුළඟකින් - ඇද
වැටෙන්නා වැන්න.
(8) අසුභානුපස්සිං විහරන්තං
ඉන්ද්‍රියේසු සුසංවුතං
භොජනම්භි ච මත්තඤ්ඤුං
සද්ධං ආරද්ධ වීරියං
තං වෙ නප්පසහති මාරො
වාතො සෙලං ව පබ්බතං
‘රූපාදි’ අරමුණෙන් - ඇවිස්සී නොයෙන සේ - ‘ඇස’ ආදී පසිඳුරන් - සංවරව
තිබේ නම්/ ආහාර ගැනීමේ - අරුත් වටහා ගෙන ම - පිරුණු වීරිය ඇතිව -
අනලස්ව සිටීනම් / මාරයා ඉදිරිපිට - හේ ඉතා බලවත් ය. ගල් කුලක් සුළඟකින්
- නොසෙල වෙන්නා වැන්න. හිතවතුනි, අපේ ඇති - ‘ඇස’ ආදී පසිඳුරෝ- හැම විට
ම පාපයට - යොමු වී ඇදෙන්නෝ ය/ එවිට මේ ජීවිතය - අතුරු අනතුරුවලින් -
ගහන වී නිරතුරුව - දුකට පත් වන්නේ්ය/ ඇස, කන, දිව, නහය - සිරුර යන
පසිඳුරන් - සංවරය තිබෙන විට - ජීවිතය ඬරවුල් ය. එවිට හැම අරමුණ ම -
නොපැකිලී නිසැකව ම දිරිමත් ව ඉලක්කය - කරා යොමු වන්නේ ....ය.
(9) අනික්කසාවො කාසාවං
යො වත්ථං පරිදහෙස්සති
අපෙතො දමසච්චේන න සො කාසාව මරහති
කෙලෙස් කසටින් පිරුණු පසිඳුරන් අසංවර - ඇත්ත නොකියන කෙනා - කහ වතට
නුසුදුසු ය.
(10) යො ච වත්තකසාවස්ස
සීලෙසු සුසමාහිතො,
උපෙතො දමසච්චෙන ස වෙ කාසාවමරහති
කෙලෙස් කසටයෙන් අඩු - පසිඳුරන් සුසංවර - සමාධි තැනැත්තා - කහවතට සුදුසු
වේ. හිතවතුනි, හැම දෙනා - කහවතට සුදුසු නැත - කහවතක් දරන්නා -
සුසිල්වත් විය යුතුය/ ‘ඇස’ ආදී පසිඳුරන් සුසංවර විය යුතු ය. බොරු බසක්
නො පවසා - හරි ඇත්ත කිව යුතු ය / එබඳු වූ ගුණෙන් යුතු - සමාධී සිතැත්තෝ
- කසාවත් දරන්නට - සුදුසු වූ ඇත්තෝ.... ය.
(11) අසාරෙ සාරමතිනො -
සාරෙ චා සාර දස්සිනො,
තෙ සාරං නා ධි ගච්ඡන්ති
මිච්ඡා සංකප්පගොචරා
ලෝකයේ හැමතැනම - නිසරු දේවල් තිබේ. මෝඩයෝ නිසරු දෙය - සාරවත් ලෙස
දකිති. එබඳු මෝඩයන් හට - කිසි දිනක ලෝකයෙන් - පිරි මහින සාරවත් - වූ
දෙයක් ලැබෙන්නේ නෑ.
මතු සම්බන්ධයි
|
පුර අටවක
පසෙලාස්වක
අව
අටවක
අමාවක