2553 වන සම්බුද්ධ ජයන්තිය නිමිත්තෙන් මාතර වෙහෙරහේන රාජමහා විහාරය කේන්ද්‍රකොට 2009 රාජ්‍ය වෙසක් උත්සවය පැවැත්විණි. ආගමික කටයුතු හා සදාචාරවර්ධන අමාත්‍යාංශය සහ බෞද්ධ කටයුතු දෙපාර්තමේන්තුව මීට අනුග්‍රහය දැක්වීය. මැයි මස 5 වනදා සිට 11 වනදා දක්වා වෙසක් කලාපයක් නම්කර මාතර දිස්ත්‍රික් ශාසනාරක්ෂක බලමණ්ඩල 17 තුළ වෙසක් උත්සව මාලාවක් පැවැත්විණි.

සමස්ත ලංකා ශාසනාක්ෂක බල මණ්ඩලයේ අනුශාසනා පරිදි මාතර දිසා ශාසනාරක්ෂක බලමණ්ඩලයේ සභාපති මාතර වෙහෙරහේන රාජමහා විහාරාධිපති කෑගල්ලේ රතනසාර හිමියන්ගේ අනුශාසනා පරිදි දිසාශාසනාරක්ෂක බල මණ්ඩල, ප්‍රාදේශීය ශාසනාරක්ෂක බල මණ්ඩල, බෞද්ධ කටයුතු කොමසාරිස් ජනරාල් චන්ද්‍රපේම ගමගේ් මහතා ඇතුළු එම කාර්ය මණ්ඩලය, මාතර දිසා ලේකම් කාර්යාලය, ශ්‍රී ලංකා පොලිසිය, මාතර දිස්ත්‍රික්කයේ ප්‍රාදේශීය ලේකම් කාර්යාල, මාතර බෝධි ආරක්ෂක සභාව ශ්‍රී ලංකා ගුවන්විදුලි සංස්ථාව, ජාතික රූපවාහිනි සේවය, ස්වාධීන රූපවාහිනි සේවය ඇතුළු මාතර දිස්ත්‍රික්කයේ රාජ්‍ය හා රාජ්‍ය නොවන සංවිධාන රැසක් එම ජාතික වෙසක් උත්සවයට දායක විය. ශ්‍රී ලංකා සමෘද්ධි අධිකාරිය මගින් වෙසක් පෝදින ලේක්හවුස් ආයතනයේ ‘බුදුසරණ’ පුවත්පත නොමිලයේ සිල්වතුන්ට බෙදා දෙන ලදී. එම රාජ්‍ය වෙසක් උත්සවයට සමගාමීව, මාතර බෝධිය, දෙව්නුවර ශ්‍රී විෂ්ණු දේවාල රාජමහා විහාරය, වැවුරුකන්නල බුදුරජමහ වෙහෙර ආදි පූජනීය ස්ථාන රැසක දාන, ශීල, භාවනා පින්කම් පැවැත්විණි.