දෙමංසල හැරයාම

දෙමංසලක් අබියසේ
සිටිනා මඟියා
යා යුතු මඟ සිතා ගන්න
බැරිව ළතවනා
අදිසි හඬක් කොහිදෝ සිට
ඔහු අමතනවා
නුඹ යා යුතු මේ මඟ යැයි
යොමු කරලමිනා

කන පිනවන නෙත සනසන
දිවට රස දෙනා
නැහැය ගත ද පිනවාලන
සුවඳ පැතිරෙනා
ආසාවේ විලංගුªවල
දෙපා සිරවෙනා
මේ මං තල පිවිසුණු අය
අත්හැර නොයනා

එය හැර යන මඟියා තුළ
ගත සිත පිනනා
මලු ඔසවාගෙන යන්නට
බැඳුම් කිසි නැති
මං කෙළවර සහන් එළිය
දිදුලමින් පෙනේ
ඉන් ඔබ්බෙහි රුවන් පහයෙ
නිවන් දොර ඇරේ

ආචාර්ය
රත්නපාල වික්‍රමසිංහ