කරුණාවේ මිහිර

අන් අයගේ කායික මානසික පීඩාවන් කෙරෙහි ඇති වන අනුකම්පාව කරුණාව යි. මනුෂ්‍ය ලෝකයේ ජීවත්වන අපි සියලු දෙනාම සෑම මොහොතක ම විවිධ දුක් කරදර පීඩාවන්ගෙන් පීඩා විඳින්නෙමු. ලෙඩ දුක්, හදිසි විපත් ආදියේ දි බොහෝ දෙනා කායිකවත්, මානසිකවත් පීඩා විඳිනවා. ඒ ආකාරයෙන් අසරණ භාවයට පත් වූ අය දෙස අනුකම්පාවෙන් බැලීමේදී ඇති වෙන්නේ කරුණාව යි.

 කරුණාව දියුණු කිරීමෙන් කරුණා චේතෝ විමුක්තිය ඇති කර ගත හැකි ය. කරුණා චේතෝ විමුක්තියත්, මහග්ගත අප්පමාණ යන ආකාර දෙකෙන්ම දියුණු කර ගත හැකි ය. ඒ චේතෝ විමුක්තිය තුළ පිහිටා විදර්ශනා වැඩීමෙන් ආස්‍රව ක්ෂය කිරීමේ හැකියාව ද ලැබේ.