|
 දළදා පෙරහර
ඇසළ සඳින් මුළු නුවරම නැහැ වී යයි
පාර දෙපස බොදු ධජ සුළඟට ලෙළදෙයි
විදුලි බුබුළු සැමටම ආලෝකය දෙයි
පෙරහර කෙරුමට සියල්ල සැරසෙයි
කස හඬ දෙදරවමින් පතුරන්නේ
ගිනි පන්දම් එළි සරසාලන්නේ
හේවිසි නද ළඟ ළඟ ම ඇසෙන්නේ
පෙරහර අසිරිය නිති විඳගන්නේ
රබන් ලී කෙළි නර්තන රඟමින්නේ
පෙරහර කරඬුව ඇතු පිට වඩවම්නේ
නිලමේවරු තේජස පතුරන්නේ
උපහාරය පෙරහරට පුදන්නේ
ලසඳ ඔෂාන් විජයානන්ද
13 ශ්‍රේණිය
ශ්‍රී බුද්ධ ජයන්ති මධ්‍ය මහා
විද්‍යාලය
බලන්ගොඩ
අලස නොවී
වැඩ කරමු
උත්සහවන්තයාගේ මූලිකම බාධකය අලසකමයි. ඔහු වැඩක් කිරීමට පෙර දැන් අව්ව සැර වැඩියි
කියා සිතයි. නැත්නම් දැන් වහිනවා කියා සිතයි. දැන් සීතලයි, රස්නෙයි කියා සිතමින්
කුසීතව තමන්ගේ වැඩ අතපසු කරයි. වේලාව කලමනාකරණය නොකර සිටීම නිසා බොහෝ කටයුතු
ප්‍රමාද වෙයි. වේලාවේ මෙන්ම අවේලාවේත් නිදා ගැනීම අලසයාගේ තවත් එක් ලක්ෂණයකි. අලස
බව නිසා සෑම කටයුත්තක්ම පරිහානියට පත්වෙයි. එනිසා අපි කුඩා කාලයේ සිටම අලස බව
ජීවිතයෙන් ඈත් කර ජයග්‍රහණය කරා පිය නඟමු.
ඒ.කේ. දිල්මි ශමල්කා
8 ශ්‍රේණිය
හැඟව ශ්‍රී සෝමානන්ද දහම් පාසල |
පුර
අටවක
පසෙලාස්වක
අව
අටවක
අමාවක