UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | ඉංග්‍රිසි ලිපි | පෙර කලාප | දායකත්ව මුදල් |

බුදුසරණ අන්තර්ජාල කලාපය

කතරගම අවුරුදු මංගල්‍ය පෙරහර 14 දා

රුහුණු කතරගම මහාදේවාලයේ වාර්ෂික අවුරුදු මංගල්‍ය පෙරහර අප්‍රේල් මස 14 දින රාත්‍රී පැවැත්වේ. උඩරට පහතරට මෙන්ම ලංකාවේ විවිධ කලායතනවල නැටුම් කණ්ඩායම් ද අලි ඇතුන්ගෙන් යුතුව පෞරාණික චාරිත්‍රවලට මුල් තැනක් දෙමින් ඉතා අලංකාර ලෙස පෙරහර පැවැත්වීමට රුහුණු කතරගම මහාදේවාලයේ බස්නායක නිලමේ ජනාධිපති පෞද්ගලික ලේකම් ශෂීන්ද්‍ර කුමාර රාජපක්‍ෂ මහතා කටයුතු සම්පාදනය කර ඇත.

එදින රාත්‍රී සුභ නැකැත් අනුව කතරගම මහාදේවාලයෙන් පිටත්වන දේව පෙරහර ගණදේවාලය, කිරිවිහාරය ඉදිරිපසින් අෂ්ඨඵල බෝධීන් වහන්සේ ප්‍රදක්‍ෂිණා කර මහා වාසල් දොරටුවෙන් මහා වීදියට පිවිසේ.

එම වීදියේ ශ්‍රී අභිනවාරාමය ඉදිරිපසින් පෙරහර ගමන්කර වල්ලි අම්මා දේවාලයට පැමිණේ. එම දේවාලයේ දී පෞරාණික චාරිත්‍ර පුද සිරිත් ඉටුකිරීමෙන් පසුව පෙරහර යළිත් මහා වීදියේම ගමන්කර මහා දේවාලයට ගෙවදීම සිදුකෙරේ. පෙරහර ගමන් කරන වීදි බෞද්ධ කොඩිවලින් සරසා ෂඩ්වර්ණ විදුලි බුබුළුවලින් ආලෝකමත් කෙරේ.

පෙරහර සමයේ පුදබිමට පැමිණෙන දහස් සංඛ්‍යාත බැතිමතුන්ට අවශ්‍ය පහසුකම් සැලසීමට කතරගම ප්‍රාදේශීය සභාව ප්‍රාදේශීය ලේකම් කාර්යාලය නාගරික සංවර්ධන අධිකාරිය, භෞතික සැලසුම් දෙපාර්තමේන්තුව හා කතරගම සෞඛ්‍ය වෛද්‍ය නිලධාරී කාර්යාල කටයුතු සංවිධානය කර ඇත.

බක්පුර පසළොස්වක


බක්පුර පසළොස්වක පෝය අප්‍රේල් 08 වන දා බදාදා අපර භාග 09.14 ට ලබයි. 9 වනදා බ්‍රහස්පතින්දා අපර භාග 08.30 දක්වා පෝය පවතී.
සිල් සමාදන්වීම අප්‍රේල් 9 වන දා බ්‍රහස්පතින්දාය.

මීළඟ පෝය අප්‍රේල් 17 වන දා සිකුරාදා


පොහෝ දින දර්ශනය

Full Moonපසෙලාස්වක

අප්‍රේල් 09

Second Quarterඅව අටවක

අප්‍රේල් 17

New Moonඅමාවක

අප්‍රේල් 24

First Quarterපුර අටවක

මැයි 01

2009 පෝය ලබන ගෙවෙන වේලා සහ සිල් සමාදන් විය යුතු දවස


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | ඉංග්‍රිසි ලිපි | පෙර කලාප | දායකත්ව මුදල් |

© 2000 - 2009 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]k