සීලය

මේ සම්බුදු සසුනේ පුහුණු කරන්නට ඕනෑ සීලයයි. මේ ජීවිතයේ දී හොඳට සිල් රැක ගත්තොත් සියලු සම්පත් ලැබෙනවා.

නුවණ තිබෙන කෙනා සිල් රකිනවා. සිල් රකින් කෙනාට සැප තුනක් ලැබෙනවා. ඒ තමා ප්‍රශංසාව, ධන ලාභය වගේම සුගතියේ ඉපදිලා සතුටු වීම. සිල් රකින කෙනාගේ සංවර ජීවිතය නිසා එයාට ගොඩක් හොඳ මිතුරන් ලැබෙනවා. ඒ වුණාට දුෂ්ශීල කෙනා පාපී ක්‍රියා නිසා හොඳ මිතුරන්ගෙන් ඈත් වෙනවා.

මුලින්ම අපට පිහිට වෙන්නේ ශීලයයි. ශීලය කියන්නේ යහපත් ගතිගුණවලට. සියලු ගුණ ධර්මවල ප්‍රමුඛයා ශීලයයි. ඒ නිසා ශීලය පිරිසුදුවට තබාගන්න ඕනෑ. සිත මහ මුහුද නම් ශීලය වෙරළයි. සතුටත්, සංවරයත් ලබා දෙන ශීලය හැම බුදුවරුන්ගේ ම පුණ්‍ය තීර්ථයයි. එනිසා ශීලය පිරිසුදුව තියෙන්න ඕනෑ.

දුශ්සීල කෙනා ලබන්නේ ගැරහීමත්, අපකීර්තියත් විතරයි. සිල්වත් කෙනා හැම තිස්සේ ම ප්‍රශංසාවත් ගුණ කතාවත් ලබනවා.

සීලව තෙරුන් වහන්සේගේ උදාන ගාථා ඇසුරිණි