සති පාසලේ දරුවා

ආවත් සිතට යට ගියදේ පිළි නොගමි
ගිලී අනාගත සරු සිහින නොදකිමි
වත්මන තුළම සිත රඳවා වැඩ කරමි
සඵල ජීවිතය එය බව අත්දකිමි

ගුරු සිත නොරිදවා පන්තියෙ වැඩ කරමි
පැවරෙන සියලු දේ සතුටින් ඉටු කරමි
බුදු සිරිතට අනුව චරිතය හැඩ ගසමි
බුදු දහමේ හරය සතියම බව දනිමි

ජීවන ගැටලු කමටහනක් ලෙස ගනිමි
විසඳුම් එළඹ සිටි සිහියෙන් සොයා ගමි
හැම පැනයකම විසඳුම ඇති බව සිතමි
වියත් අවවාද ගැන සිත යොමු කරමි

පේ.ජී.රණතුංග