මුරුංගා ගොවියා

දුෂ්කර ඈත ගමක අහිංසක ගොවියෙක් ජීවත් වුණා. මේ ගොවියාගේ වාසනාවට අවාරෙ, මොහුගේ මුරුංගා වගාවේ ඵල හටගත්තා. බොහෝ සතුටු වුණ ගොවියා අසල වෙළඳසැලට මුරුංගා විකුණා එම බරට ම අවශ්‍ය ආහාර ගත්තා. කල්යත් ම වෙළඳසැලේ හිමිකරු ගොවියා විශ්වාස කොට බර කිරීමෙන් තොරවම ගොවියා සඳහන් කරන බරට ම ගොවියාට අවශ්‍ය බඩු බාහිරාදිය ලබා දුන්නා.

එක් දවසකදී කඩේ බඩු කිරන සේවකයාගේ අදහස් මත මුරුංගා ටික කිරන්න තීරණය කළා. එහිදී අවශ්‍ය බර නොවූ නිසා ගොවියා තමාව රැවටුවා යැයි කේන්ති ගෙන ගොවියාට වැරෙන් පහර කිහිපයක් එල්ල කළා.

ඒ අවස්ථාවේ ගොවියා නිශ්ශබ්දව කියා සිටියේ අපේ ගෙදර බර කිරීමට තරාදියක් නෑ. මුදලාලි මහත්මයා ලබා දෙන කිලෝවේ සීනි පැකැට්ටුව පාවිච්චි කොට තමන් මුරුංගා කිරන බවත්, ඒ අනුවු කිලෝ ගණන සඳහන් කළ බවත් ය. මේ වෙලාවේ තමන් කළ වරද නිසාම, තමන් අඩු බර ලබා දුන් නිසාම එහි ප්‍රතිවිපාක තමන්ට ලැබුණු බව සිතා කඩහිමියා මහත් කම්පාවට පත් වුණා.

නතං කම්මං කතං සාධු - යං කත්වා අනුතප්පති
යස්ස අස්සු මුඛෝ රෝදං - විපාකං පටිසේවති

යම් දෙයක් කළාම පස්සේ ඒ ගැන පසුතැවෙන්ට සිදුවෙනවා නම් එබඳු පව් කිරීම අයහපත් ය.

උපදේශය

තමා විසින් සිදු කරන වරද ප්‍රතිඵලයක් ලෙස තමා වෙතම පැමිණේ.