මුසපත්වීම

ගිජුවී ලොබවී වස්තුව හමුවේ
සැපය සිතා නිතරම දුක දුටුවේ
ඇලී ගැලී තිදොරින් කම් සැපයේ
කුසල් සිතට නෑ උන් දොර ඇරියේ

කම් සැප විඳිනා සසර පුරුද්දෙන්
ඇමකට හසුවූ මසුන් පරිද්දෙන්
කුසල් වඩා නොගනිති සහසුද්දෙන්
පැරදේමැ’යි සසරෙහි මර යුද්ධෙන්

“කාම වස්තූන්හි ඇලුණු, කාමයන්හි ගිජුවූ, මුසපත් වූ සත්වයෝ කුසල් අවබෝධකර නොගනිති. අටවන ලද කෙමනකට හසුවූ මසුන් මෙන් ඔවුන්ට පසුව කටුක දුක් විපාකයන්ට මුහුණදීමට ඒකාන්තයෙන් ම සිදුවේ.”
(කෝසල සංයුත්තය )

ගාමිණී ජයලත් තල්දෙන