ශ්‍රී බුද්ධ වර්ෂ 2563 ක් වූ බිනර අව අටවක පෝය දින රාජ්‍ය වර්ෂ 2019 සැප්තැම්බර් 22 වනදා ඉරිදා

පන්නිපිටිය ශ්‍රී දෙව්රම් මහා විහාරයට විසි වසරක් සපිරීම හා කොළොන්නාවේ සිරි සුමංගල මහ නා හිමියන්ගේ 50 වන ඡන්ම දිනය සහ දිව්‍ය රම්‍ය මහ සෑයෙහි කොත් වහන්සේ නිරාවරණ පින්කම

පන්නිපිටිය ශ්‍රී දෙව්රම් මහා විහාරය අරඹා විසි වසරක් සපිරීමත්, කොළොන්නාවේ සිරි සුමංගල මහා නාහිමියන්ගේ පනස් වන ජන්ම දිනයත්, අඩි 117 ක් උසින් යුත් දිව්‍ය රම්‍ය මහා සෑයෙහි කොත් වහන්සේ නිරාවරණයත් නිමිත්තෙන් දෙව්රම් මහා විහාරයේ දී පින්කම් මාලාවක් පැවැත්වේ. කොත් වහන්සේ නිරාවරණය මහා විහාරවංශික ස්‍යාමෝපාලි මහා නිකායේ අස්ගිරි මහා විහාර පාර්ශ්වයේ මහානායක වරකාගොඩ ධම්මසිද්ධි ශ්‍රී පඤ්ඤානන්ද ඤාණරතන මහානායක මාහිමිපාණන් වහන්සේ, ශ්‍රී ලංකා අමරපුර මහා නිකායේ උත්තරීතර මහානායක අග්ගමහා පණ්ඩිත කොටුගොඩ ධම්මාවාස මහා නාහිමිපාණන් වහන්සේ, ශ්‍රී ලංකා රාමඤ්ඤ මහා නිකායේ මහානායක අග්ගමහා පණ්ඩිත නාපාන පේමසිරි මහා නාහිමිපාණන් වහන්සේගේ සුරතින් සිදු කිරීමට නියමිත ය. එම මහා සෑ රදුන් වහන්සේ වටා ඉදිකර ඇති අට විසි බුද්ධ මන්දිරය සියලු පාර්ශ්වයන්හි මහානායක මාහිමිපාණන් වහන්සේගේ සුරතින් නිරාවරණය කිරීමට නියමිත ය.

බිනර අව අටවක පෝය

බිනර අව අටවක පෝය සැප්තැම්බර් 21 වන දා සෙනසුරාදා අපර භාග 08.20 ට ලබයි. 22 වන දා ඉරිදා අපර භාග 7.50 දක්වා පෝය පවතී. සිල් සමාදන්වීම සැප්තැම්බර් 22 වන දා ඉරිදා ය.

මීළඟ පෝය සැප්තැම්බර් 28 වන දා සෙනසුරාදා ය.

අව අටවක

සැප්තැම්බර් 22

අමාවක

සැප්තැම්බර් 28

පුර අටවක

ඔක්තෝබර් 05

පසෙලාස්වක

ඔක්තෝබර් 13