ශ්‍රී බුද්ධ වර්ෂ 2563 ක් වූ බිනර පුර පසළොස්වක පෝය දින රාජ්‍ය වර්ෂ 2019 සැප්තැම්බර් 13 වනදා සිකුරාදා

නව චෛත්‍යරාජයාණන් වහන්සේ

හොරණ - මාරගහහේන ජයබිම විහාරස්ථානයට අභිනව චෛත්‍යයක්

හොරණ - මාරගහහේන ජයබිම විහාරස්ථානයේ අභිනවයෙන් ඉදිකළ චෛත්‍යරාජයාණන් වහන්සේගේ කොත් වහන්සේ නිරාවරණය සැප්තැම්බර් මස 12 වන ගුරු දින පස්වරු 3.25 ට යෙදෙන සුබ මොහොතින් සිදු කිරීමට නියමිතව තිබිණි. හොරණ - මාරගහහේන ජයබිම විහාරස්ථානය දීර්ඝ ඉතිහාසයකට නෑකම් කියන ස්ථානයකි. මෙම ස්ථානය 1967 දී පමණ ‘ජයබිම ආරාමය’ නමින් ආරම්භ කරන ලද්දේ අනගාරික දන්ගල්ලේ නාරද තුමන් විසිනි. ශ්‍රීපාද වන්දනාවේ ගිය මාරගහහේන ප්‍රදේශවාසීන් කිහිප දෙනෙකු බෑන සමනල ප්‍රදේශයේ භාවනානුයෝගී ව වැඩ විසූ අනගාරික නාරද තුමන් දැක, පැහැදී කළ ආරාධනාවක් මත මෙම ප්‍රදේශයට පැමිණ ‘ජයබිම ආරාමය’ ආරම්භ කර ඇත. ‘ජන යහපත බිහිකරන මග’ යන අර්ථයෙන් මෙය ‘ජයබිම’ ලෙස නම් කර තිබේ. මුලදී නාරද තුමන් වැඩ විසුවේ ලෑලි වලින් තැනූ කුඩා කුටියක ය. අනගාරික නාරද තුමන් වඩා ප්‍රසිද්ධියට පත්වූයේ විචිත්‍ර දේශකයෙකු වශයෙනි. ගව ඝාතනයට විරුද්ධව රට පුරා දේශන පැවැත්වූ මෙතුමා රට, ජාතිය, ආගම හා ත්‍රිවිධ හමුදාවට සෙත්පතා කළ ආශිර්වාද පූජා දහස් ගණනකි. මෙතුමා ‘ලංකා පූජාව’ නම් විශේෂ පූජාවක් ද ජයබිම ආරාමයේ සිදු කරන ලදී. අනගාරික නාරදතුමා කතරගම කිරිවෙහෙර මුල් අවදියේ අභාවයට ගොස් ඇති අවස්ථාවේ එහි ප්‍රතිසංස්කරණ කටයුතු සඳහා ද නාහිමිවරුන් සමඟ එක්ව කටයුතු කර ඇත.

බිනර පුර පසළොස්වක පෝය

බිනර පුර පසළොස්වක පෝය සැප්තැම්බර් 13 වන දා සිකුරාදා පූර්ව භාග 07.35 ට ලබයි.
14 වන දා සෙනසුරාදා පූර්වභාග 10.02 දක්වා පෝය පවතී.
සිල් සමාදන්වීම සැප්තැම්බර් 13 වන දා සිකුරාදා ය.

මීළඟ පෝය සැප්තැම්බර්
22 වන දා ඉරිදා

පසෙලාස්වක

සැප්තැම්බර් 13

අව අටවක

සැප්තැම්බර් 22

අමාවක

සැප්තැම්බර් 28

පුර අටවක

ඔක්තෝබර් 05