UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

පහන් සිතක කවි

කුජ්ජුත්තරා

දුව ආහාර ගන්නා විට දස අතට
ඉසිරී යන සිරිත ඉවසුම් නැත මවට
දවසක් ඔවදනක් දෙන විලසින් දුවට
කීවා වසල නිවසක් මෙනි ගෙය අවට

රොස් වී උත්තරා එම ඔවදන ඇසුව
අම්මේ ඔබයි වසලිය මැදුරෙහි විසුව
යනුවෙන් කියා සිදුකර ගත් පව මුසුව
හැම බවයකම පළදුන්නා ඉන් පසුව

ඇය ඉපදුනේ කුදු අඟනක් ලෙසිනි පසු
නම කුජ්ජුත්තරා විය අප හැම දෙනම ඇසූ
එයි හොඳ නරක භවයෙන් භවයට ම පසු
මෙය බණ කතාවක් බුදු හිමි විසින් දෙසූ

ගරහන ම ව්පියන් කළගුණ නොම දන්නා
මෙය පාඩමකි සිහියට ගත යුතු වන්නා
ගෙදරට බුදුන් ලෙස දහමෙහි දුන් පෙන්නා
පෙර සිට බොදු ලොවම ඇදහුව මේ දෙන්නා

****

ප්‍රේමය

හැම පෙමකටම වඩා බලවත් වූ සංසාරේ
ආ පෙම උතුම් වේ අප ඇසූ දිවි කතරේ
සිදුහත් සමඟ බිම්බාගේ පෙම පැතිරේ
මුළු සක්වලට ඇති පෙම ලොව්තුරු මිහිරේ

ලොව්තුරු ආදරය සසරේ පටන් එන
ආවේ බුදු බවට පත්වන දිනය දැන
ඒ ආදරය කෙතරම්දැ’යි නොදැන දන
වැලන්ටයින් දිනයක් ගැන කියති බණ

****

අපේ නා හිමි

නොහඳුනතත් කෙනෙකු මද සිනහා පාන
ගිරි හෙල් නොසලකා දෙපයින් ඇවිද යන
පන්සල් කිහිපයක දෙපයින් ඇවිද යන
පියතිස් සමිඳු සැරදේ තෙරුවන් බෙලෙනු

****

නිවන් දොර

සසර සරන තුරු අම්බලමක නැවතී
දෙවුර පුරා එසවූ කද මලු දරතී
සතර දෙසින් එන උවදුරු ගැන සිතතී
නිතර එකතුකර තුන්යම නිදි මරතී

කැටිකර සිතැඟි අටලෝ දම මෙනෙහි කර
දවසැර හරිමු සදහම් මඟ අවධි කර
ගොරතර සසර ලෙන ගත හැර යනෙන තුර
අඩුකර අකුසලය අරිමුව නිවන් දොර

****

මත් උවදුර දුරලමු

මත් රකුසා දිවයිනෙන් තුරන් කර
අත් වැල් බැඳගෙන පෙරට ගමන් කර
නෙත් යුග විදහා පිරුණ පෙමින් බර
අත් කර දෙමු දේශයක් නව වසරේ මතින් තොර

****

අනවරාග්‍ර සංසාරය

යහතින් ගත කොට
පින් පුරවා , පවු දුරලා
නිවන් මඟ ගොස්
අනවරාග්‍ර සංසාරය නිවනින්
අවසන් කරන්නට
උත්සාහ කරමු
සැමටම අජර, අමර
නිවන් සුව

****

අනිත්‍ය

බට පතුරු
දෙකක් ගෙන
එකිනෙකට බැඳ
සෑදු සරුංගලය
නේක වර්ණ කොළෙන්
මනරම්ව අලවා...
සවස අහසට යවා...
එළි දැක්වූ සරුංගලය
බැමි බැඳි ගිලිහී
බිම වැටී වැතිරුණා

 

නවම් පුර අටවක පෝය


නවම් පුර අටවක පෝය පෙබරවාරි 12 වන දා අඟහරුවාදා අපර භාග 03.54 ට ලබයි. 13 වන දා බදාදා අපර භාග 03.46 දක්වා පෝය පවතී. සිල් සමාදන්වීම පෙබරවාරි 12 වන දා අඟහරුවාදා ය.

 

මීළඟ පෝය පෙබරවාරි 19 වන දා අඟහරුවාදා ය.


පොහෝ දින දර්ශනය

First Quarterපුර අටවක

පෙබරවාරි 12

Full Moonපසෙලාස්වක

පෙබරවාරි 19

Second Quarterඅව අටවක

මාර්තු 06

Full Moonඅමාවක

මාර්තු 06


2019 පෝය ලබන ගෙවෙන වේලා සහ සිල් සමාදන් විය යුතු දවස්

 

|   PRINTABLE VIEW |

 


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2019 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: budusarana@lakehouse.lk